Doctor Brants Narrenschiff/Närrische Botschaft

« Reuter und Schreiber	Sebastian Brant Doctor Brants Narrenschiff	Von Koch und Kellner »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

[107v] Ich byn gelouffen ferr / vnd wytt Nye laer das fleschlin was allzyt Biß ich diß brieff den narren büt Narrechte bottschafft Ob ich der botten nuon vergaeß Vnd jnn nit dorheyt ouch zuo maeß Sie manten mich ee selber dran Narren muessen eyn botten han [108r] 5 Der trag jm mund / vnd syg nit laß Eyn briefflin das es nit werd nasß Vnd süfferlich gang vff dem dach Do mit der ziegelhuff nit krach Luog ouch das es jnn nit beuilt 10 Me enden / dann man jm entpfilt Vnd was er thuon soll / vnd man heißt Das er / vor wyn / dar vmb nit weißt Vnd langzyt vff der straß sich sum Do mit das jm vil lüt bekum 15 Vnd luog das er zaer an der naeh Vnd drystunt vor die brieff besaeh Ob er kund wissen / was er trag Vnd was er weiß / bald wyter sag Vnd leg syn daesch nachts vff eyn banck 20 So er nimbt von dem wyn eyn schwanck Vnd kum on antwürt wider heym Das sint die narren die ich meyn Dem narren schyff louffen sie noch Sie fynden es hie zwüschen Ach 25 Doch soellen sie sich des vermessen Das sie des flaeschlins nit vergessen Dann jnn jr leber / vnd geschir Von louffen / liegen würt gantz dürr / Wie guot der schne erkuelung gyt 30 Wann man jn fyndt jnn sumers zyt Also ergetzt eyn trüwer bott Den / der jn vß gesendet hat Der bott ist lob / vnd eren werd Der bald kan werben / das man bgert