Doctor Brants Narrenschiff/Sein selbst vergessen

« Von Gottes Vorsehung	Sebastian Brant Doctor Brants Narrenschiff	Von Undankbarkeit »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

[73v]

Wer leschen wil eins andern für
Vnd brennen loßt syn eygen schür
Der ist gu^ot vff der narren lür

Syn selbs vergessen

Wer groß arbeyt vnd vngemach
Hat / wie er fürdere fro^embde sach
Vnd wie eyns andern nutz er schaff
Der ist me dann eyn ander aff

[74r]

5

So er nit jnn synr eignen sach

Lu^ogt / das er flissig sy vnd wach
Der narren bu^echlin billich lysßt
Wer wiß ist / vnd syn selbs vergißt
Dann der geordnete lieb will han

10

Der sol an jm selbst vohen an

Als ouch Terencius vermant
Ich bin mir aller na^ehst verwant
Eyn yeder lu^og vor syner schantz
Ee er sorg / wie ein ander dantz

15

Der will verderben ee dann zytt

Der jm nit segt / vnd andern schnyt
Vnd wer eyns ander kleidt mit flisß
Süfert / vnd er das syn beschisß
Wer leschen wil eyns andern huß

20

So jm die flam schlecht oben vß

Vnd brennt das syn jn alle macht
Der hat vff syn nutz wenig acht
Wer fürdern will eyns andern karr
Vnd hindern sich / der ist ein narr

25

Wer sich mit fro^emder sach belad

Vnd selbst versumbt / der hab den schad
Wer sich des über redden latt
Dar vß jm spott vnd schad entstat
Der mag die leng sich nit erwo^eren

30

Der narr erwisch jn by dem go^eren

Mach wißheyt jnn mit schaden leren
Dem lydt sin dott am hertsten an
Den sunst erkennet yeder man
Vnd er stirbt / vnd syn leben endt

35

Das er sich selbst hatt erkennt