Doctor Brants Narrenschiff/Von Gottes Plag und Strafe

« Von Gotteslästerung	Sebastian Brant Doctor Brants Narrenschiff	Von thörichtem Tausch »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

Wer meynt das vnß gott stroff zu^o vil
Das er vnß plaget vnder wil
Des plag / ist nit eyn viertel myl

von plag vnd strof gots

Eyn narr ist / wer für wunder heltt
Das gott der herr / yetz strafft die weltt
Vnd eyn plag schickt / der andern noch
Die wile vil krysten sygen doch

5

Vnd vnder da^en / vil geistlich lüt

Vnd den vil vasten / gbet all zyt
Gescha^ehen sta^ets on vnderloß
Doch ho^er / es ist keyn wunder groß
Dann du nit fyndest eynen stadt

10

Inn dem es yetz nit übel gat

Do nit abna^em syg / vnd gebruch /
Dar zu^o so ist des wisen spruch
Wan du zerbrichst / das ich dir buw
So würt vnß beyden nüt dann rüw

15

Vnd das wir arbeit hant verlorn

So spricht ouch sunst / der herr mit zorn
Wann jr nit haltten myn gebott
Will ich üch geben plag vnd dot
Krieg / hunger / pestilentz / vnd dür

20

Hytz / ryff / keltt / hagel / tunders für

Vnd meren das / von tag zu^o tag
Vnd nit erho^eren ba^ett noch klag
Ob joch Moyses vnd Samuel
Mich ba^ett / so byn ich doch der sel

25

So vyndt / die nit von sünden latt

Sie mu^oß han plag / wile ich byn gott
Man sa^eh alleyn an jüdisch landt
Was sie durch sünd verlorn hant
Wie dick sie gott vertriben hatt

30

Durch sünden / vß der heyligen statt

Die krysten hant das ouch verloren
Do sie verdienten gottes zorn
Myn sorg ist wir verelyeren me
Vnd das es vnß noch übeler gee

Wer syn mul / vmb eyn sackpfiff gytt
Der selb / syns tuschens gnu^esset nytt
Vnd mu^oß offt gan / so er gern rytt

von dorechtem wechsel

Vil gro^esser arbeit hatt eyn narr
Wie das syn sel zu^or hellen far
Dann keyn Eynsidel vor ye hatt
In aller wu^est / vnd heymlich statt

5

Do er dient vastend / bettend / gott /

Man sicht was hochfart arbeit hat
Wie man sich mutz / schmyer / nestel / bryß
Vnd ho^erte drück lyd / jnn manche wyß
Der gydt tribt manchen über see

10

Durch vngewitter / ra^eg / vnd schne

In Norwegen / Pylappen landt
Keyn ru^ow noch rast / die bu^oler handt /
Die spyeler haben übel zyt /
Vil mer der schnapphan / der do ryt

15

Vff den halßacker wogend sich

Des prassers will gschwigen ich
Der allzyt vol ist / vmb syn hertz
Was drück der lyd / vnd heimlich schmertz
Des yfers zyt / ist nit die best

20

Er vo^ercht eyn andern gouch jm nest

Syn eigen glider kocht der nydt
Nyemans durch gottes ere sich lydt
Der jn gedult an sa^eh syn sel
Als Noe / Job / vnd Daniel

25

Gar vil sint / den das bo^eß gefeltt

Gar selten der das gu^ot erwelt
Erwo^elen gu^otes eyn wiser soll
Das bo^eß kunt all tag selbes wol
Wer gibt das hymelrich vmb myst

30

Der ist eyn narr / so vil syn ist

Syn duschen der genüsset nitt
Wer ewigs vmb zergenglichs gytt
Vnd das ichs kurtz mit worten bgriff
Gybt er eyn esel / vmb eyn pfiff