Doctor Brants Narrenschiff/Von Pfennigsnarren

Wer gu^ot hat / vnd ergetzt sich mit
Vnd nit dem armen do von gytt
Dem wirt verseit / so er ouch bitt

Die gro^eßst dorheyt jn aller welt
Ist / das man ertt für wißheyt gelt /
Vnd zücht harfür eyn richen man
Der oren hat / vnd schellen dran

Der mu^oß allein ouch jn den rat

Das er vil zu^o verlieren hat /
Eym yeden gloubt so vil die welt
Als er hat jnn synr ta^eschen gelt
Her pfenning der mu^oß vornen dran

Wer noch jn leben Salomon

Man ließ jn / jnn den rat nit gon
Wann er eyn armer weber wer
Oder jm stünd syn seckel ler /
Die richen ladt man zu^o dem tisch

Vnd bringt jnn wiltpret / vogel / visch /

Vnd du^ot on end mit jnn hofiern
Die wile der arm stat vor der tu^eren
Vnd schwitzet / das er mo^echt erfrieren /
Zu^om richen spricht man / essen herr /

O pfenning / man du^et dir die ere

Du schaffst / daß vil dir günstig sint
Wer pfening hat / der hat vil fründ
Den gru^eßt vnd schwagert yeder man /
Wolt eyner gern ein ee frow han /

Die erst frag ist / was hat er doch /

Man fragt der erberkeit / nym noch
Oder der wißheyt / ler / vernu^onfft
Man su^ocht eyn vß der narren zunfft
Der jnn die milch zu^o brocken hab

Ob er joch sy eyn ko^eppels knab

All kunst / ere / wißheit / ist vmb sunst
Wo an dem pfening ist gebrust
Wer syn or / vor dem armen stopfft
Den ho^ert got nit / so er ou^och klopfft