Fröut iuch

IR fro^eit uⁱch ivnge vnd alte.
der meie mit gewalte.
den winder hat verdrvngen.
die blv^omen sint entsprvngen.
wie schone duⁱ nahtegal.
vf dem rise.
ir sv^esse wise.
singet wunneklichen schal.

Der walt schone lo^vbet.
min mv^oter niht gelo^vbet.
der mich mit einem seⁱle.
sprach ein maget geile.
bvnde mir einen fu^os.
zv^o der linden.
mit den kinden.
vf den anger ich da mv^os.

Das gehort ir mv^oter.
ia swinge ich dir dc fu^oter.
mit dem schippfen vber den rugge.
dv vil kleine grasemvgge.
wa wilt dv huppen hin.
vs dein neste.
sitz^e vnd beste.
mit den ermel wider in.

Mv^oter mit dem steken.
sol man iv die runzen reken.
die alten als ein svmber.
noch huⁱre sit ir tumber
danne ir von sprvnge vart
ir sit tot.
vil kleiner not.
ist iv der ermel abe gezart.

Vf spranc si vil snelle.
dv tieuel vs der helle.
ich wil mich din gar verzihen.
dv wilt uⁱbel gedihen.
mv^oter ich lebe edoch
swie iv tro^vme.
bi dem so^vme.
durch den ermel gat ein loch.