Geometria deutsch

etliche nuczparliche stück dy hernach geschriben sten. Zum ersten behend ein gerecht Winckel maß zu machen. So mach zwen risz vber ein ander an gesezt wie du wilt vnd wo die risz vber ein ander geen da setz ein .e. Darnach setz ein zirckel mit einen ort auff den punckt .e. vnd zeuch in auf als weit du wilt vnd mach auf yde lini ein punckt Das sei die puchstaben .a.b.c. daz alles ein weiten sei. Darnach mach ein lini vom a. in daz b. vnd vom b. in daz .c. So hastu ein gerecht winckelmasz des ein exempel hie stet

ort auff den punckt .d. vnd wo der runden risz durch das a.b, vnd wo der rund risz vber den risz .c.d. get da setz ein .e. Darnach schau wo der selb rund risz vber den runden risz d.b.h. get da setz ein .f. des gleichen auff der anderen seite da setz ein g. Darnach leg ein richtscheit auff den punckt .f. vnd auff das .e. vnd mach ein risz durch dy punckt gar hin ausz pisz an den runden risz .d.a.c.g. da setz ein .k. Des gleichen auf der anderen seyten da setz ein .h. Darnach setz den zirckel auff den punckt .k. vnd mach ein risz vber die lini .d.e.c. vnd wo das vber ein ander get da setz ein .i. Darnach mach ein riß vom .i. in daz .k. vom .k. in das .b. vom .b. in daz a. vom .a. in das .h. vom .h. in das .i. So hast du ein gerecht fünfeck des do ein exempel stet Dor ausz kumpt das gerecht fünff ort.

ort behend aufteilen wil der reisz ein gantz gerunden risz und setz ein .e. in das centrum Darnach mach ein ris von .e. pisz zu dem c. Alsz weit von e. bisz zu dem .c. ist So weit sol von dem .a. pisz zu dem .b. sein schlecht vber nit der rundung nach vnd wo die zwen risz ein ander gen da setz ein .d. des ein exempel wie hernach stet.

Darnach setz ein Zirckel auf das centrum .e. vnd du in auff pisz in den punckt .d. die selbig weit tayl aussen umher der werden siben vnd mach von einem punckt zu dem andren ein risz. So hastu ein gerecht siben eck des ein exempel

acht ecke machen So mach ein gerechte firung mit den puchstaben .a.b.c. d. vnd setz in dy mit ein .e. Vnd setz ein zirckell mit einem ort in das .e. vnd thu in auf in das .a. die selben weiten mach von dem .a. gegen dem .b. ein punckt da setz ein .f. des gleichen von dem .b. gegen .a. da setz ein .g. vom .a. gegen dem .c. da setz ein .h. vom .c. gegem .a. da setz ein .i. vom .c. gegen .d. da setz ein .k. vom .d. gegem .c. da setz ein .l. vom .d. gegen dem .b. da setz ein .m. vom .b. gegen .d. da setz ein .n. vom .n. in das .k. vom .l. das .h. vom .i. in das .g. des ein figur hernach verzeichnet ist.

ein gerunden risz scheitreicht machen wil das der scheit gerecht risz vnd das gerund ein leng sey so mach drey gerunde neben einander vnd tail das erst rund in siben gleiche teil mit dem puchstaben verzeichnet h.a.b.c.d.e.f.g. Darnach alsz weit vom .h. ist in das .a. ist da setz hindersich ein punkt da setz ein .i. Darnach als weit von dem .i. pisz zu dem .k. ist Gleich so lang ist der runden risz einer in seiner rundung des drey neben ein ander sten des ein figur hernach gemacht stet.

der ab gethan ist vnd nit west wo der Zirckel gstanden ist zu einem gepogen risz. So thu im also ich setz das sey der gepogen risz a.b. Nach zwen punckt auf den risz wie du wilt an geferd mit de puchstaben .c.d. setz den zirckell in das .c. vnnd thu in auff in das .d. mach ein risz des gleichen setz den zirckel in das .d. mach ein risz von dem .c. wo die zwen risz vber ein ander gen da setz oebn ein .e vnd vntenn ein .f. also mach geleich ein solche figur neben der wie weit du dar von wilt mit dem puchstaben verzeichnet .g.h.i.k. Darnach mach ein risz durch das .e. vnd .f. vnd des gleichen durch das i. vnnd .k. wi die zwen risz vnten vber ein ander gen da setz ein .l. in den selben punckt ist der Zirckel gestanden des ein figur hernach gemacht stet.

wil ein firung vnd ein driangel das die firung vnd der driangel itlichs als vil in im helt als das ander. So mach ein driangle das ist ein .a.b.c tail vom .c. pisz zu dem .b. in dren gleiche teil das ist .d.e. Darnach mach ain fierung ausz dem .c.e. wirt .f.g. So helt die fierung gleich als vil in als der drialgel das ein exempel hernach gemacht stet.

stech helm ausz der geometry machen wil der mach ein firung mit den puchstaben verzaichnet .a.b.c.d. Darnach tail vom .a. zum .c. inn fünff gleiche tayl mit den puchstabenn .g.h.i.k. Darnach tayl vom .b. pisz zum .d. in drey gleiche teyl mit den puchstaben .e.f. Darnach teil vom .a. zum .b. in acht gleiche tayl. Des gleich vom .e. zum .d. vnd reisz risz von einem tayl zu dem anderen Darnach schaw auf die risz vnd züg wie sie darinnen steen des ein exempel hernach stet.

mit der geometry machen wil der mach ein risz mit den puchstaben .a.b.c vnd das das .b. in der mit sey. Darnach mach ein risz von dem .b. schlecht vntersich ab vnd als weit vom .b. zum .a. oder .c. ist. So weit mach ein punckt auf der lini vntersich ab da mach ein .e. vnd reisz ein risz vberzwerch das dyselb lini gleich der obern sey. Darnach nym die weyten vber ort vom .e. zum .a. die selben weiten setz das .b. vnnd mach ein punckt da mach ein .g. Darnach ein h. in die mit. darnach nym ein weit .a.b. vnd setz mit einem ort auf das .h. vnd mach ein runden risz vom .f. zum .d. ein exempel hernach stet.