Seite:Briefwechsel Hildebrand Veckinchusen 105.jpg

	Wilhelm Stieda (Hrsg.): Briefwechsel Hildebrand Veckinchusen

Vruntlyke grute tovoren an mynen guden vrund Hyldebrant Vyckynchusen. Wetet dat ik juwen breff wol verstan hebbe, den my nu Lanker de loper in der vasten brochte, dar gy me scryven rede, dar ik ju up desse tyt nicht wedder up scryven kan, mer ik wyl my holden und rychten an juwer beyder breve, juwe und juwes broder Syverdes. Hadde Peter Karbouwe beter rekenscop dan dan he doet, gy en solden my dan nicht vele dar af gescreven hebben alse gy doet.

Item do ik ju lest rekenschop scref also dat gy my do noch schuldych bleven 274 marc 12½ sl. Lub. Item hirup hebbe ik weder untfangen int erste van Bylvelde 1 dubbelt Arrasch roet, dat golt 9 marc, item 1 gru^on Tomasch gesneden, golt 12½ marc, item 1 swarte mu^otse, de behelt ik to mynes sulves dregende, dar rekende ik vore 20 sl. Lub., item noch 1½ dosyn mutsen gulden 2½ marc, item noch untfangen 21 elen kampkat, dat en ys noch nicht vorkoft, dat rekene ik uppe 3 marc. Item de 5 elen grawes, dar gy van scryven, dat hadde Hans van Mynden entfanghen – de summa hirvan ys 28 marc 4 sl. Lub.

Item so hebbe ik noch entfanghen van Tydeman Brekelvelde 1 terlinch, dar was ynne 13 Tomasche, de syn ute gekomen to 15 marc overhovet und der steyt noch 4 in schult. Item so was hir ½ Tomasch to den slachdoke, dat gaf ik vor 6½ marc. Item gaf ik vor dessen terlingh to ungelde 15½ sl. Lub. also to vore und to leydegelde. Item Tydeman Brekelvelde sal ik noch 7 sl. Lub. gevenen vor werktollen vor ungelt to Hamborch, de summa blyvet van den terlinge 193 marc 9½ sl. Lub., dat ungelt afgerekent.

Aldus so ys de summa altohope also vorscreven steyt, dat yk entfanghen hebbe 221 marc 13½ sl. Lub.

Aldus so blyve gy my noch 52 marc myn 1 sl. Lub. Hyldebrant gude vrund schicket my desse ₰ myt den ersten, wente wy weten wol woelange des ys, dat ik se solde gehat hebben also juwe breve hir wol wyset. Hirume so scryvet my en antworde. Hirvan varet wol myt Gode. Gescreven up unser leven vrouwen avent er bodeschop 1413.

Bode van Stockem.

87. Thomas Vechinhusen an Hildebrand und Sivert^{[WS 1]} Vechinhusen in Brügge. – 1413 März 24.

Rev. St.-A. Orig. Pap. Adr.: An Hildebrant und Zivert Vockinchusen tho Brugge litera detur.

Minen denst thovoren ghescreven unde wes ic gudes vormach tho allen tyden. Ju gheleve to weten Hildebrant und Zivert, vedderen, also ic ju vake unde vele ghescreven hebbe also umme dat gelt dat gy my noch schuldich sin dat sic nu to sunte Johannes dage to mytsomer met der rente lopet by den 500 mark Lub. worumme ic ju vruntliken bydde up allen denst, dat ghy wol willen doen unde schicken dat also dat gelt uppe sunte Johannes dach to Lubeke utkome, wante ic mot dat gelt den kinderen

Anmerkungen (Wikisource)

1. Vorlage: Sigfrid

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 34. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_105.jpg&oldid=- (Version vom 31.7.2018)