Gegeven im jaire uns heren duysent vierhondart [sic] ind eynindseeszich up gudenstag, vunfzienden dag in deme maende aprille.
Kunt sy, dat Rutger van Gymenich, vurgenger ind procuratoir abdissen ind conventz des goitzhuys zo sent Claren in Coelne, … dat huyss genant zome Hirtzelyne ind dat huyss dem alre neeste geleigen zo der kirchen wert zo sent Albaen … gegeven ind erlaissen hait unsen heren vamme raede der steide Coelne … Datum anno mccccxlv, die veneris post dominicam Judica.
Up maendach na des heiligen sacramentz daige haint unse heren vamme raide eyndrechtlichen verdraigen, dat van nu vortan as die burgermeistere jairs yren dienst of essen halden soilen, so soilen sy dat essen of dienst halden up dem nuwen unser heren huyse boyven muyren ind unse heren haint dat selft den rentmeisteren doin sagen ind mit bevoylen, taefelen, benke ind ander gereitschaft darzo doin zo machen. Vorder soilen diegene, die burgermeistere werden, dislachen, kussen ind dat selft, dat sy doch anders wae gewoenlichen plient zo haven ind zo besorgen, bestellen. Concordatum referentibus Johan Koelgyn et Herman van der Gans anno mcccclii, die predicta (feria sexta post penthecostes).
Yd sy zo wissen, dat unse heren zerzijt vamme raide oeverdragen hant as van dem essen up den dach, as man dat hillige sacrament jairs umb die stat pliet zo dragen, dat unse heren asdan by den ander blyven up yrme raithuse, ind dat essen ind mailzijt alda zo halden ind zu haven, umb dat unse heren anders nyemand besunder moeden of kroeden durfen. Ind van den gerichten zer selver zijt ys unser heren meynonge, dat man luyterdrank geve, as dat gewoenlich is, vort yekligen manne eyn schuttel moys ind eyne gude schuttel mit salmenkloessen. Item zom anderen gange yederman eyne schuttel rys ind zwen mannen eyne schuttel mit galentinen ind darby salmen gebraiden, of kan man den salmen niet gehaven, so mach man gebraiden rumpe myt vornen darvur geven, ind darna keese ind eppel. Alsus sal ment halden, of mant haven mach, of anders, wie yd zo der zijt der mart geeft, na raide ind gutdunken der kuchenmeyster zo der zijt. Ouch hant unse oeverdragen, so wat oeverblyft van eyncherley spysen, dat dat dye kuchenmeister umb got solen geven, ind darinne dat beste proeven. Vort sy zo wissen, dat unse heren jairs plient zo bidden, myt yn zo essen, yrre stede paffen, dye raitzrychter, dye gewelderychter, heren die burgermeister geweyst synt, vort die weigemecher ind den ritmeyster. Wulden unse heren zo eynger zijt yemand me han, den moechten sy myt doin bidden. Scriptum feria sexta ante festum nativitatis sancti Johannis Baptiste (anno mccccix).
Johann Jakob Merlo: Haus Gürzenich zu Köln, sein Saal und dessen Feste. Selbstverlag des Verfassers, Köln 1885, Seite 79. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Merlo_-_Haus_G%C3%BCrzenich_zu_K%C3%B6ln_-_79.jpg&oldid=- (Version vom 1.8.2018)
