Seite:Volapuek-Almanach fuer 1888.pdf/71

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
Sigmund Spielmann: Volapük-Almanach für 1888

IIIa.

Wien, 1888 mäzul 24 id.     
Deutsche Bank, Berlin.

Dalobsok atoso bitopön oles in lovepolel ata söli Popper Siegmund, jäfadalel leböba obsa, keli komedobs levemo lasume flenik olsa.

Söl penemöl visitom zifi olsa in kudadins leböba obsa e gebomöx gudi olsik, in kel zid begobs olis yufön söli pakomedöl obsa ko dün e konsäl al rivam diseina täva omik.

Togo dalobsok klödätön lä ols söli Popper Siegmund ko suäm de

maks balsmil

beköls olis, gevön pelamis jü geil at böladü kala obsa.

Lensumolsös büo dani obsa plo senits, kelis oblöfols söle pakomedöl obsa e lenolsös in tefam alik dö düns obsa paköseköl vilik olse egelo.

Lägivobs disopenädi peklödätöla e disopenobs

lestimiko
K. k. pr. Oesterr. Länderbank.     


IVa.

Wien, 1888 apul 4 id.     
Söle Ig. Brüll, Triest.

Edalobsok sivön su oli

fl. 2184.— plo 20 id a. m. len büdi A. Seidner,
„ 372.— dels 8 p. d.[1] „ „ P. Mestrozi,
„ 133.45 „ 3 p. l.[2] „ „ G. Elia & Co.

kelis lensumolsös plo kal obsik.

Zepobs penedi obsa de 28 id amula e disopenobs

stümafuliko
jü Gebrüder Thonet.     
Andreae. 


Va.

Frankfurt a. M., 6 ul 12 id.     
Söles Glyn, Mills & Co., London.

Bestimobsok lenunön olse atoso, das rimet olsik de 1 id a. m.

£ 53. 4. 10 p.[3] 5/6 su is

enakömom e dünobs oles atoso ko noat en suämöli

ℳ 1113.85 val. 12 a. m.

plo kels kitobs olis in izal alüpik.

Lestimiko
Haas & Weiss.     


  1. ↑ pos dät.
  2. ↑ pos logam.
  3. ↑ plo.
Empfohlene Zitierweise:
Sigmund Spielmann: Volapük-Almanach für 1888. Leipzig: , 1888, Seite 72/73. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Volapuek-Almanach_fuer_1888.pdf/71&oldid=- (Version vom 1.8.2018)
Von „https://de.wikisource.org/w/index.php?title=Seite:Volapuek-Almanach_fuer_1888.pdf/71&oldid=3400418“