God sefomös, God jelomös
Limepi e kinänis!
Me yuf klöda odukomös
Nam lesapikün obis!
Kloni lefata oma ta
Neflens alik jülobsöd!
Lefümik lä tlon Habsburga
Löstakin oblibomöd!
Reladiko, baföliko
Stanobsöd plo git e blig;
Stanobsöd ko spel gäliko,
Lanimiko id in klig;
Omemöls tuigis lora
Kelis ya edagetobs:
Guedi e bludi obsa
Plo limep, fatän givobs.
Fa dut sifa pejafölos
Pojelosös fa kligel!
Ko vafs tikäla vikodos
Egelo nol e kanel!
Läbad obinomöd läne,
Läbade fam sümikün!
Goda sol ab Löstakine
Stalomös te püdikü!
Kostanobsöd fimiküno!
In balif binom valüd.
Palefuloms nefikulo
Fikuls fa balöl stenüd.
Öte nilobsöd zeile
Baladiks me blodatan,
San limepe, sanö läne!
Dulik Löstakina stan!
Len limepe, flan söloföd
Palefik in stam, tikäl,
Ko venuds, kel odulomsöd,
I ji-limepa jönal!
Gletiküna läba päan
Tonomös süla se lom!
Franze Yosef, Elise san!
Läbad plo Habsburga dom!
↑Österreichische Nationalhymne: Gott erhalte, Gott beschütze Unsern Kaiser, unser Land etc.
