De Schdraße des achzehnden Okdower
[9]
De Schdraße des achzehnden Okdower.
Das allerneieste Objekd der Frase
Is jetzd de achzehnde Okdowerschdraße,
Un wo mer hinhorchd, machen ihredhalm
De Badrioden ä gewaldgen Qualm.
Uff das, was zu endschdehen hier verschbrichd
Uff was — mehr gann unmeeglich mer verlang —
Se ohm un unden schon hamm angefang.
De Bauke[1] had nu allerdings ä Loch
Schbield hier doch rein das Schdadionbrojekd,
Das se zum Iwerfluß hamm ausgeheckd.
Fiehrnse das dorch — das duhn se sicherlich —
Dann baßd’s nachher mit de zwee Enden nich;
Un in de Mitte gäm ä großes Gnie.
Denn mid der Schlauheed, die uns Leibzger zierd
Hamm Anfang mer un Ende ausgefiehrd.
Die Schdraße, heeßd’s nu — wärd biramidal, [2]
Die Schdraße wärd ä Schdols fersch Vaderland,
Der Boden nur is noch in dridder Hand.
In solchen Sachen da is Sie Leibzg groß —
Mer hamm Sie guden Mud un baun druff los.
Daß de der Breis nachher gefefferd is
Un daß wahrscheinlich jeder sich verhaud,
Der in ä solchen deiern Verdel baud,
Der Badriode gehd bein Wein je hoch,
Er galgulierd das Ding mit sein Gusäng
Un nachen sagd er: „Nich in de la mäng!“
Ehr nich der Bahnhof aus’n Weg gereimd,
Hammer da draußen wärglich nischd verseimd,
Der dud sehr gud, sich in Geduld zu fassen.
Aus diesen Grunde läßd voraus sich sehn,
Daß an der Schdraße viele bleide gehn.
Was se jetzd schwafeln, das is alles Wind —
F. M.
Anmerkungen (Wikisource)[Bearbeiten]
Die Straße des 18. Oktober in Leipzig, erinnert an den Tag des entscheidenden Sieges der alliierten Truppen über Napoleon in der Völkerschlacht bei Leipzig, den 18. Oktober 1813.