Diplomatischer Beytrag zur Geschichte des Teutschen, und insonderheit des Fränkischen Handels im Jahr 1264
|
X.
Diplomatischer Beytrag zur Geschichte des Teutschen, und insonderheit des Fränkischen Handels im Jahr 1264.
Nos Arnoldus Camerarius Godeboldus Scultetus Iudices Consilium et universi cives Magunciae Tenore presencium constare cupimus universis quod cum honorabiles viri cives universi de Nurnberg| per attestationem et appensionem Sigilli venerabilis Domini Hildebrandi Eistetensis Episcopi per honestum virum Merkelinum dictum phinzing concivem ipsorum ad nos directum presentibus Domino Lodewico Decano Magistro Arnoldo Scolastico Mogunciae quibus dominus noster Archi Episcopus Moguntinus in tali causa commiserat vices suas sufficienter comprobaverint, quod eorum cives cum suis mercimoniis quibuslibet ad nos divertentes ex privilegiis et libertatibus ab Imperatoribus et Regibus eis indultis ab omni exactione et requisicione theloneorum esse debeant liberi et exempti, civesque nostri apud ipsos pari gaudere debeant libertate, Hoc plane salvo quod quicunque primus ex civibus eorum proxima Die post festum beate Walpurgis ad nos cum suis mercimoniis transierit theloneario predicti domini nostri Archiepiscopi libram unam piperis et duas cyrothecas albas in recognitionem huiusmodi libertatis annis singulis presentabit[1] quemadmodum| cives nostri vice versa ipsis similiter presentabunt et sic hinc ab huiusmodi exactionibus sive theloneis per Annum esse liberi debeamus. Nos in recognitionem et testimonium huius facti Sigillum nostrum presentibus duximus appendendum. Acta sunt hec Anno Domini MCCLXIIII. In Crastino beati Bonifacii.
Die Aufschrift des Siegels ist:
Bulla
aurea Maguncia
Romane ecclesie
Specialis
S6. S. Martinus.
- ↑ Noch jährlich geschiehet diese Überbringung eines hölzernen Bechers mit Pfeffer und zwey weißer Handschuhe, durch einen von Nürnberg nach Mainz abgesendeten Officianten aus der Canzley.