Doctor Brants Narrenschiff/Von Hoffnung zu erben

aus Wikisource, der freien Quellensammlung
« Wucher und Vorkauf Sebastian Brant
Doctor Brants Narrenschiff
Von Verführung am Feiertage »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[127v]

Mancher froewt sich / vff froembde hab
Wie er vil erb / vnd trag zuo grab /
Die mit sym gebeyn nusß werffen ab



von hoffnung vff erben


Eyn narr ist / wer sich dar vff spitzt
Das er eyns andern erb besitz
Oder für jn kum / jn den rott
Syn guot / pfründ / ampt / besitzi noch dott

[128r]

5
Mancher eyns andern dott sich froewt

Des end / er nyemer me beschowt
Hofft eynen tragen hyn zuom grab
Der mit sym gbeyn würfft bieren ab /
Wer hoffet vff eyns andern dott

10
Vnd weis nit / wann syn sel vß gat

Der selb den esel duot beschlagen
Der jn gen narrenberg würt tragen /
Es sterben jung / starck / froelich lüt
So fyndt man ouch vil kelber hüt

15
Es gat alleyn nit / über die kueg

Eym yeden syn armuot benueg
Vnd bgaer nit / das es groesser werd
Eyn wilder vmblouff ist vff erd
Bulgarus erbt ouch synen suon

20
Des er nie hat gehofft zuo thuon

Pryamus sach syn kynd all sterben
Die er hofft / sie wurden syn erben
Absolon syns vatter tod nach schleich
Vnd reycht syn erbteyl an der eich

25
Manchem eyn erb würt über nacht

Vff das / er vor nye hat gedacht
Mancher eyn erben überkunt
Dem lieber wer / jnn erbt eyn hundt /
Nitt yedem gatt noch hoffens won

30
Als Abraham / vnd Symeon

Loß voeglin sorgen / wann gott will
So kumbt das glück / zytt / end / vnd zyl /
Das best erb / ist jm vatter landt
Do wir hyn hoffen allesandt

35
Gar wenig stoßt es doch zuor handt