Heide vnd anger vnd dú tal

aus Wikisource, der freien Quellensammlung
Zur Navigation springen Zur Suche springen
Textdaten
Autor: Kraft von Toggenburg
Illustrator: {{{ILLUSTRATOR}}}
Titel: Heide vnd anger vnd dú tal
Untertitel:
aus: Codex Manesse 23r und 23v
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: Digitalisat der Uni Heidelberg und Digitalisat der Uni Heidelberg
Kurzbeschreibung:
Mit aufgelösten Lettern. Vergleiche auch Heide vn̄ anger vn̄ dú tal in originalen Lettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]


[23r]

Heide vnd anger vnd dú tal·
dú hat der winter aber val·
gemach[e]t vnd die owe·
vnde ouch dar zů den gruͤnen walt·
der ·ê· mit froͤden was bestalt·
da mac man inne schǒwen·
vil kalden rifen der kan vogel sweigen·
ir svͤssen sanges svnder wan·
nv mv̊s ich kvmber mit in han·
dú liebe welle minen kvmber neigen·

Der svmer vrlub hat genomen·
mit freuden mvͤsse er wider komen·
mir vnd manigem mere·
vnd das dú liebú frowe min·
noh wende minen senden pin·
dú gv̊te vnd dú vil here·
der ǒch min herze nie vergessen wolde·
noch niemer me vergessen wil·
si hat so maniger tvgende vil·
ich dinge ir minne werde mir ze solde·

Wie koͤnde lieber mir geschehen·
danne ob ich wilent moͤhte sehen·
ein wib schoͤne vnd reine·
dú hat mins herzen freude hin·
da von ich ane froͤide bin ·
dc ahtet si vil cleine·
[23v] was wil dú minnecliche eht an mir enden·
des mv̊s mich iemer wnder han·
si wil gewalt an mir began·
wil si niht schiere minen kvmber wenden·

Swie selten liebe mir geschiht·
doch habe ich gv̊te zů versiht·
ze miner frowen minne·
ich dinge das si mir veriage·
vil senden kvnber· den ich trage·
in herzen vnd in sinne·
mih kan von senden sorgen nieman bringen·
es tů dú minnekliche also·
dú machet mich wol wil si vro·
mir kan min swere niemen bas geringen·

Dú minne wil das ich si fro·
wie tůt si selde riche so·
das si mir truren machet·
sin twinget niht ein reine wib·
so sere als si tůt minen lip·
nach der min herze krachet·
in disen zwein so kan ich niht gebaren·
in herzen sen vnd vssen vro·
wie tůt si reine gv̊te so·
si wil mich lan in disen zwein veriaren·