Kvmt er der mir da komen sol

Kvmt er der mir da komen sol·
der mir bi dem hohsten eide·
lobt er keme mir·
so wirt mir sendem wibe wol·
blv̊men vnd grvͤner heide·
sanfte ich^{[WS 1]} der enbir·
so we dir arge hv̊te·
dast vnselig sist·
dvr dc dv stetem mv̊te·
so vil leides gist·
dc ist miner froͤide ein slag·
wahter so dv welles singen so singe es si tag·

Do dú vil reine frowe gv̊t·
klagte ir so klagelichen·
schiere wart si vro·
vnd wart geringet ir der mv̊t·
si gieng ze dem wahter tǒgenlichen·
vnd sprach also·
wahter nv la din singen·
es ist noch niender tag·
min leit dc wil sich ringen·
dc mir so nahe lag·
gvͤtú mere ich han vernomen·
dc ein spiegel aller miner wnne mir ist komen·

Anmerkungen (Wikisource)

1. Vorlage: idh.