Nv grůnet aber du͛ heide

aus Wikisource, der freien Quellensammlung
Zur Navigation springen Zur Suche springen
Textdaten
Autor: Neidhart
Illustrator: {{{ILLUSTRATOR}}}
Titel: Nv grůnet aber du͛ heide
Untertitel:
aus: Cod. Pal. germ. 848. Große Heidelberger Liederhandschrift (Codex Manesse) Blatt 274v–275r
Herausgeber:
Auflage:
Entstehungsdatum: 1305–1340
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort: Zürich
Übersetzer:
Originaltitel:
Originalsubtitel:
Originalherkunft:
Quelle: Digitalsat der Uni Heidelberg und Scans auf Commons
Kurzbeschreibung:
Bei Siegfried Beyschlag: Die Lieder Neidharts. Der Textbestand der Pergament-Handschriften und die Melodien. Wissenschaftliche Buchgesellschaft Darmstadt 1975, S. 80–86. ISBN 3-534-03592-5 unter dem Kürzel „L 17“ verzeichnet.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
Nv grůnet aber du͛ heide.

mit nu͛wen lǒbe stet der walt.
der winter kalt.
twanc si sere beide
du͛ zit hat sich verwandelot.
ein sendv͛ not.
mant mich an die gv̊ten von der ich vnsanfte scheide.

Est in der wandelvnge.
wol singent ellu͛ vogellin.
der vrowen min.
gern och ich ir svnge.
des si mir seite gv̊ten dank.
vf minen sang.
ahten es die walche niht so wol dir tu͛tschu͛ zvnge.

Gerne ich aber sande.
der lieben einen botten dar.
der neme des war.
ob er dc dorf erkande.
da ich der[WS 1] die senden inne io[WS 2] lie.
io meine ich die
von der ich den mv̊t mit rehter stete nie bewande.

Ob sich der botte nv svme
so wil ich selber botte sin.
zeden fru͛nden min.
wir leben hie vil kvme.
dc het dc wol halbes mort.
wan wer ich dort.
bi derwol getanen lege ich gern an minem rvme.

Solt ich mit ir alten
ich han noch eteslichen don.
vf minen lon.
so lange her behalten.
dc tvsent herzen wurden geil gevonne ich heil.
swer hohe wirfet der sol heiles wu͛nschen vnd walten.

Botte nv var gereite.
zv̊ lieben fru͛nden vber se mir tv̊t vil we.
sende arbeite.
dv solt in von vns allen sagen in kvrzen tagen.
dv sehest vns mit freuden dort wan dvrch des wages breite.

Dv sage der meisterinne.
den willeklichen dienest min.
si sol dv͛ sin.
die ich gar von herzen minne.
vor allen frowen hinnen fu͛r e ich si verku͛r.
e wolde ich verkiesen der ich iemer teil gewine.

Fru͛nden vnd magen.
solt iemer minen drenest sagen.
vil lieber knaben.
ob dich die lu͛te vragen.
wies vmb vns bilgerine ste.
so sage vil we.
das vns die walhen haben getan des mv̊s mich hie betragen.

so wunnesam gegen dem vil liehten meien.

gnv̊ge doͤrper sint mir gram die wellent sich zweien.
vnd ist do ichs gefuͤgen mag. ich wende ǒch in ir reien.

Dise truͤben tage.
dar zv̊ leitlich klage.
hat mir froͤide benomen.
vnd allen hohen mv̊t.
was sol fu͛rbas min sang.
sit[WS 3] er nie so erklang.
dc in hete vernomen ein schoͤne frowe gv̊t.
der ich han gedienet vf genade her vil lange.
den winter vnd svmer mit minen nu͛wen sange
das verstet si mir alrerst zeinem anevange.

Das si niht entstat.
do ir minne mich hat.
aller fivͤiden behert.
da sv͛ndet si sich an.
si vilselig wib.
mir verderbet den lip.
wirdet si mir niht beschert.
so we dc ichs ie began.
vnd ich ir doch iemer gerne holdes her zetruͤge.
nv bin ich leider in dem mvnde niender so gefuͤge.
besser were mir dc ich niemer nu͛wes liet entsluͤge.

Mir schat engelbolt.
vnd der meier man golt.
vnd ǒch einer dvrnkart.
dc vierde dc ist engelper.
vnd ist eberwin.
vnd die zwene brv̊der sin.
do so rvmbes nie niht wart.
lempfer vnd adelger.
vnd der dorf getelinge ein michel tru͛nne.
si entwichent von einander niht it ist vil gar ein ku͛nne.
den allen mvͤsse also geschehen als ich in heiles gu͛nne.

Ir einer der ist kal.
vnd giht zeru͛wen tal.
dc er tanzen mir erwer.
mit al den fru͛nden sin.
das ist erenfrit.
vnd ist engelmar der smit.
vnd ein pfister wernher.
dc vierde ist sigewin.
die tanzent mit den megeden in dem goͤir freuenlichen.
ir enkeiner wil mir von der strasse einen fůs entwichen.
ahi solt ich ir einem sine stelzen da bestichen.

Vnd einer ist ir teil.
der ist los vnd geil.
den gebaret er gelich.
einer schv̊ ist im gemal.
da mit er mir trat.
allenthalben min wise mat.
aller virtegelich.
swenne er vor ru͛wental.
oberthalben bi der strasse steig an den anger.
mir zeleide von dem stige nach den blv̊men spranger.
in einer hohen wise sinu͛ winelieder sanger.

Der selbe ist mir gevech.
sitz im hu͛re verzech.
zorneklichen ir hant.
min frowe vf einer dvlt.
dc wc im ein leit.
sinen fru͛nden hat ers geseit.
ich het es im erwant.
vnd were gar min schvlt.
wes gedahte ein tore dc er bi ir tanzen wollte.
ta gezimt es im niht noch meier engelbolte.
dc er an ir wissen hant mit ihre grifen sollte.

Anmerkungen (Wikisource)

  1. der durch Unterstriche getilgt.
  2. io durch Unterstriche getilgt.
  3. Vorlage: stt.