1. Ein jede Circumferentia, Cirkelrunder riß / oder Circkellini wirdt getheilt in 360. gleiche theil / so man gradus nennet: vnd 1. gradus wirdt widerumb in 60. scrupula prima oder erste minuten: 1. scrupulum primum in 60. scrupula secunda oder andere minuten: 1. scrupulum secundum in 60. scrupula tertia oder dritte minuten / vnd also fort / eingetheilt: wiewol man in gemeinem gebrauch nicht so genaw sucht / vnd es gemeiniglich bey ersten / oder auffs höchst andern minuten bewenden lasset: Deren Logistische bezeichnuß ist / das man ob den graden ein nulla / ob den ersten minuten ein ablang strichel / ob den andern minuten zwey solche strichel / vnd also fortan setzet. Zum Exempel / 16. grad / 23. erste minuten / 7. anderte / 51. dritte / werden also geschrieben: 16°.23′.7″.51‴.
2. Arcus, ein Bogen / ein Cirkeldrumm / wirdt genennet ein stuck oder theil der circumferentz: dergleichen vielerley / vnder welchen aber der Semicirculus vnd Quadrans die vornembsten seind.
3. Semicirculus wirdt genennet die halbe circumferentz, 180. grad in sich haltend. Als da ist GFC. in nachfolgender Figur.
4. Ein Quadrant ist der vierdte theil der circumferentz / 90. grad begreiffend. Als FBC. oder FIG.
5. Complementum, ein ergentzung oder erfüllung / ist der jenige arcus, so dem vorhabenden arcui, noch abgeht /
Matthias Bernegger: Manuale Mathematicum. Straßburg: Paul Ledertz, 1619, Seite 15. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Bernegger_Manuale_015.jpg&oldid=- (Version vom 31.7.2018)
