Seite:Beytrag zur Geschichte und statistischen Topographie der beyden Reichsdoerfer Gochsheim und Sennfeld in einem kurzen Entwurf.pdf/98

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

und ir Erbe haben auch doran geben einen krutgartten. im sehegartten gelegen und gilt dem gotshus zu Sendelfelt. ein halp pfunt wachs. Item Hans gebner und sine erben von Sendelfelt haben doran geben fünf virteil winwachs gelegen zu Sendelfelt an der flaslyten. und gilt demselben gots Hus einen virding wachs. Item derselbe hans gebner hat auch dorzu geben. ein kuw (vacca.) oder zweintzig Pfunt heller dofür, ein varche (porcus) oder zehen pfunt dofür, und ein Bethe oder zehen pfunt dofür, und zehen hünre zu husseyre. diez erste Jor. Item Chunz Westheimer und hans gebner von Sendelfelt haben auch darzu geben an varnder habe zweintzig pfunt heller. vnd Westheimer der izunt genant befunder funftzehen pfunt heller. Item Dieterich Ruhze zehen pfunt heller. hans hogel vir pfunt heller. Hanns Karlstatt sechs pfunt heller. Chuntz Els zehen pfunt heller. Roter Gotze zehen pfunt heller. Und heintz Gerber von Grefenkanfeld und sin erbe haben auch dorzu geben; zweihundert pfunt und zehen pfunt heller. alles lantwerung. und sullen die bezalen inwendig drüwen Jaren die schirst noch einander genen alle Jor sybentzig pfunt heller uff martini. und hot auch die verbürgt mit der Bescheidenheit. daz syn sim Johannes darwff geroihet und in dieselbe frümesse gelihen werde. wann die obgenannten anheber und stiffter sine nechsten fründe und mogen (Verwandte) sind. Auch so haben die Husgenozzen und die Gemeinde zu Sendelfelt doran geben und gemacht