Seite:Briefe an Matthias Mulich.pdf/32

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

annhemen willest. Wir hebben dy aver hie thovorn gescreven, etliken damasthen atlas[1] vnd geslagen tennen vate[2] vns to kopen, ock folgende vakemals[3] darumme angereget vnd sunt doch dar mit beth anher vpgeholden. Als ist vnser gutlich boger,[4] du wollest daran sein, dat sulvige nochmals tom forderlichsten bestalt[5] vnd an vns kamen moge. Daran beweistu besundern gefallen, neven gutliker betaling, mit gnaden to bedenken geneigt. Datum Lovenborg mandages na Pauli conversionis anno XXIIIo.


No. 14. Von Hans Castorp.
1523, Jan. 27.

Mynen wyllighen denst. Ersame leve swager, juwer leve wet ich nycht sunderges to scryffen, den jw gesuntheyt vnde wolfart is my en leff horen. Als gy my scryffen, dat gy dar wol dre finger dicker worden syt als hyr, dat haget[6] her Hermen gans wol, dat gy dar so wol to passe syt vnde don juw wat to gude; gy solt dar nycht mer aff hebben vnde is juw juwer dage sur worden. Got sy gelaffet, dat gy dar syt, dar hebbe gy doch genochte[7] vnde frowde. Ich hebbe her Gottschalck fan Wychkede fan juwer wegen gude nacht gesecht vnde den junckfrowen och, vnde hebbe en dar by gesecht, dat gy en elk[8] enen jungen man tom nygen jar wünschen, des se juw hochlych bedanken for juwen gunst vnde se hebben my so hertlych befalen, dat ich juw fel dusent guder nacht enbeyden[9] sal vnde dat gy juw jo frolick maken vnde don juw wat to gude; dyt hebben se my befalen, dat ich dyt dem framen Mates jo toscryffen sal, de moder, her Gotschalk vnde de junckfrowen vnde Hans Luneborch. Och hebbe ich Riken Stangen fel guder nacht gesecht in der peters groffen,[10] de let juw fel goder nacht to enbeden vnde se wet nycht, wor se et mede fordent hefft, dat gy erer denken, se but juw dusent guder nacht. Och entbut juw her Wulff de kenseler[11] fel guder nacht fan Holsten vnde dede[12] my

  1. ↑ damasthenen Atlas.
  2. ↑ zinnerne Gefäße.
  3. ↑ auch später oftmals.
  4. ↑ Begehr.
  5. ↑ bestellt.
  6. ↑ das behagt.
  7. ↑ Genüge, Vergnügen.
  8. ↑ einer jeden.
  9. ↑ entbieten.
  10. ↑ in der Petersgrube.
  11. ↑ Wolf von Uttenhofen, Kanzler des Herzogs von Holstein.
  12. ↑ that, gab.
Empfohlene Zitierweise:
Carl Friedrich Wehrmann (Hrsg.): Briefe an Matthias Mulich, geschrieben im Jahre 1523. In: ZVLGA 2, 1867, S. 296–347. Friedrich Asschenfeldt, Lübeck 1867, Seite 327. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefe_an_Matthias_Mulich.pdf/32&oldid=- (Version vom 31.7.2018)
Von „https://de.wikisource.org/w/index.php?title=Seite:Briefe_an_Matthias_Mulich.pdf/32&oldid=3224338“