Seite:Briefe an Matthias Mulich.pdf/41

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

wol wyss werden; men redeth[1] hir weder to de schepe, wy moten noch to jweme scheppe to leggen 25 Mark Lübisch vnde men schall nu weder vp in de kysten bryngen;[2] wy krygen hir 400 perde, schall jo de grave van der Heiowge[3] bryngen, de wyllen gelt wechnemen;[4] ock vorse ick my, dat de reisich tuch hir nycht lange lyggen wert, sunder dem hertych van Holsten to schicken etc. Item so weth, leve juncker, dat de frow vnde yck gebeden hebben den kentzeler, mester Wolfgans was im hus vnde hefft vns gelavet, dat best to donde, vnde wyll vns dat gelt hir in senden vnde dat he jw schuldych ys, gy vor em hebben vth gelecht; wes des schuth,[5] werden wy wys werden; yck besorge aver, dat idt kum gesche, dan yck hebbe ein weinich vornomen, dat he velle gelts van hir bracht hadt; wolt he vns dan wes gegeven hebben dat hedde he hir wol don konnen, den yck leth em dorch den kentzeler anspreken, so konde s. g. hir dar nycht to kamen, men he wolt hir boschaffen. Item mer, leve juncker, so gy scryven, offt se wes van reskop[6] to Oldeslow bedarff worden hebben, dat wert jw mester Markus wol selvest seggen. Item mer, leve juncker, als gy my gescreven hebben vnde ok dar bovenen[7] m. g. h. hertych Hinrick van Mekelenborch breff an den rentmester, to vorvorderen 200 fl.,[8] gy s. g. to Norenberch gelent hadden, so hebbe yck noch beth her to nycht van em gekregen, sunder dyssen bybunden breff,[9] dar vp yck em gescreven hebbe, he my scholt senden vifvndetwintich vnde en half schilling fur den gulden, dar vp hebbe yck noch kein antwert. So hebbe yck nu am Sunavende vorgangen noch ein breff van jw gekregen vnde des hertogen breff dar bovenen, dat gy golt hebben vthgeven; so wyl yck nu vorvordern, dat he moth her in senden fur den gulden sos vnde twintich vnde en half schill., Clawes wyl nycht myn nemen aver to scryven. Item mer, leve juncker Matz, so gy scryven mester Steffans halven, hebbe yk syner hir nicht vornomen, vnd van im noch nycht kregen. Item mer, leve juncker Matz, so gy scryven, dat gy hapen, dat wy jw de


  1. rüstet.
  2. in die Kiste bringen, d. h. Steuern bezahlen.
  3. von Hoya.
  4. die werden Geld kosten.
  5. was davon geschieht.
  6. Geräthschaft.
  7. überdies.
  8. um die 200 Gulden zu fordern, welche Ihr.
  9. nichts als diesen beigebundenen Brief.
Empfohlene Zitierweise:
Carl Friedrich Wehrmann (Hrsg.): Briefe an Matthias Mulich, geschrieben im Jahre 1523. In: ZVLGA 2, 1867, S. 296–347. Friedrich Asschenfeldt, Lübeck 1867, Seite 336. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefe_an_Matthias_Mulich.pdf/41&oldid=- (Version vom 31.7.2018)