Seite:Briefwechsel Hildebrand Veckinchusen 011.jpg

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

11. Engelbrecht Witte aus Riga an Hildebrand Veckinchusen in Brügge – 1406 Mai 23.

Rev. St.-A. Orig. Pap. Adr.: An Hillebrant Veckynkusen tho Brugge sal desse bref. Darunter von H. V. Hand: op den ersten dach in julius 1406 jar . Der zusammengelegte Brief enthielt 2 weitere Papierstreifen, der eine sub N. 1. unverkennbar von derselben Hand, die den Brief schrieb, der andere sub N. 2 von anderer Hand, aber dem Inhalte nach zweifellos zu diesem Brief gehörend.

Vruntlyke grute tho allen tyden bereyt an mynen leven swager Hillebrant Vechkenhusen. Weten schole gy myn leve swager unde dot wol unde van Tydeken Roden 13 punt unde 16 sl. unde vraget Tydeken, wes he anderen schipperen gegeven hebbe, alzo Hillebrande Johannessone unde van Vredryk Stevenssone und van Johan Allerdessone, dat nemet ok tot ju, wes dar is, unde dar provet myn beste by unde kopet my jo nen dutevare laken unde kope uns allerhanne laken, est Got tho gelde beret; dot wol, leve swager, unde vorvarpet unse werk edder unse was nicht, wente et gelt hyr wol 23 marc; dot wol, leve swager unde en schepet unse dynk nycht, et sy mit vloten, wer et, dat wy wat to schepen hedden; dot wol unde onschepet uns ok nycht in en schep altowele. Unde ik hebbe geschepet in Prusen 9 schypunt unde 8 lyspunt, der stukke is 15 unde isset, dat et dar nycht vorkoft wort, so sal et ju myn oem Evert Sneoye bryngen. Grotet myne dochter Greteken unde juwe dochter Gertrut, wente alle vrunt syn hyr nu all gesunt nu tor tyt. Vart wol to Gode. Gescreven des sondages na unses heren hemmelvart.

By my Engelbrecht Witte.

1. Item so wetet, dat ik ju sende eyne carpe met vlesches. Got geve, dat se mit leve overkomen mote und dot wol unde en latet se ju nycht vorsman.

2. Wetet, dat ic juwen brief wol vernommen hebbe und heb de laken untfangen. Doet wol und sendet uns wat lichtvar laken wat Popersch und wat mer Valentinsch und wat Tomasch und van allen wat und ok en 10 Kumsche al van paren. Desse laken en kuenne wy nicht wol quit werden myt den Russen, wy en hedden ander laken darby.


12. Engelbrecht Witte aus Riga an Hildebrand Veckinchusen in Brügge. – 1406 Septbr. 27.

Rev. St.-A. Orig. Pap. Adr.: An Hyldebrant Veckynkhusen tho Brugge sal desse bref. Darunter v. H. V. Hand: op den ersten dach von julius 1406 jar

Vruntlyken grot thovoren gescreven an mynen leven swager Hyldebrant Veckynkhusen. Wetet leve swagher, dat wy hir quade tydynge hebben van den schepe, dat dar utgesegelt was vor Palmen[1] Got geve,

  1. ↑ Vor dem 4. April.
Empfohlene Zitierweise:
Briefwechsel Hildebrand Veckinchusen, Seite 11. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_011.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_011.jpg&oldid=3224367“