hyrvan hebbe ich hyr betalt 27 marc. Item dey ander 7 marc[1] tho Lubeke betalt. Item tho wingelde van der last 1 ore. summa 31 ore; summa in al dat desse roge steyt myt allen ungelde 136 marc 33 ore und 2 Lub. Item noch in dessen schepe gesant 200 vagenscott, elk 100 coste 34 ore, summa 5 ferd. 8 ore. Item gaf my dey scypper tho halver vracht van kabelgarne, dat hey in deme selven schepe hadde, 34 ore, dey ander halve vracht solde hey dy tho Lubeke geven. Summa in al van dessen vorscreven rogen und holte, afgeslagen 34 ore vor dey halve vracht, 237 marc 19 ore 2 Lub.
Int jar 1407 jar 8 daghe vor pinxsten[2] gheschepet 1 tunne an mynen broder by scypper Laurens Stein, dar was inne, dat an unze zelschap horde, 5000 scons werks; item 13½ tymmer troenisse, dey staen ein halb tausend scones werkes, elk 1000 coste 1 ferd. myn daen 14 stucke, item steyt elk stucke 1 ferd. myn daen 11 ferd., summa an sylver 67 stucke und 1½ groten ferd., summa an gelde van dessen sylver 182 marc 22 ore 2 art. Item cost dyt werk tho ungelde myd tho Ryghe 32 ore myn 1 art.; item vracht, wingelt ½ marc, summa in al myd ungelde van dessen werke 183 marc 30 ore 1 art.
Item up dey selve tyt gheschepet myt Laurens Stein 1 tunne an mynen broder.
Item afgeslagen hyrvor up elk 1000 ½ stucke van upgifte, so blivet dey summa noch als hyr vorscreven steyt.
Item up dey selve tyt gheschepet 1 tunne an mynen broder, dar hadde wy inne 3 tausend 7 bote scons werkes; dey 7 bote dat is dey upgyfte, elk 1000 coste 1 ferd. myn daen 13 stucke. Item noch in desser tunne, dat uns thohort, 1 bote und 21 tymer troenisse, dat 1000 coste 12 stucke, summa 10 stucke und 1 ferd. myn 5 grossen, den grossen vor 1 sl. gerekent, summa an gelde 27½ marc 5½ ore 2 art. Item coste dyt werk myd ungelde myd hyr 24 ore 2 art.; item vracht wingelt 16 ore 2 art., summa in al, dat ich uns in desser tunne gesant hebbe, 132 marc 3 ore und 2 art. Summa in al, dat ich uns veder over gesant hebbe, 454 marc 5 ore und 2 Lub. Aldus blivet my unze selschap 25 marc 20 ore und 2 art., des hebbe ich hyr noch tunne swevels, dey noch in unze zelscap hort. Item Sivert, so steyt uns dyt werk by dem meysten, hedde ich dyt thovoren gewyt, wy hedden dat wol ein ander vech myn getoget, es wart mynre by my gecopt by 40 tausend al umme rede sylver, dat 1000 13 stucke myn 1 ferd., ok wart dat dar ny myn gecoft in deme winter, war ich my over eme jare heimkerde, dar hadde ich gein eventur tho Revel wart al unze werk gecoft und gebutet tho 17 stucke, dat scade mynen broder und my wol 100 stucke, layt lopen hyr negest, betert of God wyl. Item van dyme sucker, dar wyl ich dy hyrna myd den ersten schepen rekenscap scriven, men is dar noch 2 marc van sculdich. Arste was 1 …[3] onik und hey is doyt, ich …[3] vor quade betalinge. Item …[3] Gerlakus noch 2 lyspunt sculdich, wes my wert, dat wyl ich dy myt den
Briefwechsel Hildebrand Veckinchusen, Seite 17. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_017.jpg&oldid=- (Version vom 31.7.2018)
