28. Erklärung Tideman Swartes über die Abfindung mit der Handelsgesellschaft, deren Mitglied er gewesen war. — 1410 Mai 25.
- Rev. St.-A. Orig. mit den Resten der auf das Papier gedrückten Siegel. Das Papier ist oben ausgezahnt, ein Zeichen, daß es aus dem anderen Exemplar der Erklärung, das T. S. vielleicht selbst behielt, geschnitten wurde. In dorso von Hildebrand Veckinchusens Hand: 79 marc Prusch stan in Prusen in schulden.
Witlik sy allen luden, de dessen breyff sein unde horen lesen, dat ik Tydeke Swarte bekenne openbare, dat ik van Gosschalke van dem Bokel unde van Lodewich Buecgendale alle rekenscap unde gelt wol untfangen hebbe van der selschap wegen, de se myt Hildebrant unde Sivert Vockinchuesen in vortyden gehat hebben besuender 79 mark stan noch in schuelden van der selschap wegen wes van dessen gelde nicht betalt en wert, dat sal Hildebrant unde Sivert Vockinchuesen half vorleysen unde wes darvan betalt wert, dat sal Gosschalk van dem Bokel unde Lodewich Buecgendal Hildebrande unde Siverde halff senden ofte vor sey utgeven. Unde to einer betuechnisse der warheyt, so sin desser breyve twe, de ene ut dem anderen gesneden. Unde ik Tydeke Swarte unde Lodewich Buecgendal hebben unser beyder insegel in beyde breive gedruecket to ener rechten betuechnisse der warheyt, dat desse dink aldues geschein sin. Gescreven in dem jare Christi 1410, 14 dage na pingesten.
29. Sivert Veckinhusen in Köln an Hildebrand Veckinhusen in Brügge. — 1410 Juli 8.
- Rev. St.-A. Orig. Adr.: An Hyldebrand Veckynchusen Brugge. Darunter von H. Veck.’s Hand: 1410, 23 in jullejus. 2 Blätter.
Broderlyke leyve vorscreven. Wetet, dat ic juwen breyf by Negeler wol vornomen hebbe, ghescreven na sunte Johannes dage, hedde gy my dey Sundesche rekenscap lange sand, so hedde ic ju lange al rekenscap ghescreven, ic kan ju nicht wol er rekenscap scryven, wan ic dey overseyn hebbe, so wel ic ju alle rekenscap weder senden, dey gy my lest sanden und ok nu und al beschet darby queme, my ok myn rekenscap unbreke van Lubeke so behovede ic der nicht.
Item also gy scryven van den 122 cronen, dat dey 125 marc stonden und in unse selscap horden, des sal ic al wol loven men ofte dey mede in dey rekenscap komen syn ofte nicht, des wet ic nicht men ic meyne neyn, ic meyne gy vynden ummer al dync wol uterlyken in mynen breyven, wand ic scref ju ummer al tyt al besehet wan ic ju wat sande.
Item also gy scryven van deme gelde van Boden wegen 263½ marc, dat dey in myn schult syn komen, dat es nicht, nemet dat gelt op Johan van der Brueggen also gy eyrst kunnen, word dat nicht betalt, latet my den schaden staen, men dey 330 marc van Losekynge syn in myn schult komen,
: Briefwechsel Hildebrand Veckinchusen. Leipzig: S. Hirzel, 1921, Seite 1. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_036.jpg&oldid=- (Version vom 31.7.2018)
