dage wat umme vrunde wyllen doen. Hyr geyt morgen eyn romervard an van pyne und schult und steyt 8 dage und sal alle jar twe warf syn; Got geve dat wy des alle delaftych werden moten. Ic wolde dat gy und myn suster hyr 8 dage umme wesen mochten met juowen vromen und wyllen.
31. Hildebrand Vechinchusen in Brügge an Johannes von Mynden. — 1410, Juli 27.
- Rev. St.-A. Pap. Die Handschrift ist eine andere als die gewöhnliche H. Veck’s. Eine Adresse ist nicht vorhanden.
Vruntlike grote vorgescreven Johannes van Mynden gude vreint. Ju geleive to weten also, dat ic ju bescheit scrive van mynen properen dingen, dat my angeit dat hedde ic gerne clar. Ton ersten kofte ik op ju, dat gy betalden van myr wegen Johannes van den Berge 30 ℔ gr. dat ℔ gr. umme 6 marc 6 sl.; des vornam ic na dat gy qualiken int gelt weren van myr wegen, do kofte ic ju over by Tydeman Roden, dat gi dar untfangen solden 36 ℔ gr. to 6 marc 5 sl. Lub., aldus so leip ju darvan over 36 marc Lub., dey bleive gi my darvan sculdich.
Item so nam ic darnest op ju van Herman Sten 100 ℔ op sunte Johannes dach to 6 marc 6 sl.; des vornam ic ok do dat ju myn gelt ter hant quam van myr wegen, des makede ic ju do over by Johannes van den Bokel 60 ℔ unde by Johannes Spiker 56 ℔ gr. Hirvan betalde gi dey 100 ℔ gr. vorscreven, aldus so blive gi my darvan schuldich 94 marc 12 sl. Lub., dei gi darvan over holden; aldus so sy gi my to hope van den 2 prosseilen schuldich 130 marc unde 12 sl. Lub. Item Johannes gude vreint, so sy gi my hirto schuldich van den 2000 scones werkes, dei gi to Lubeke verhoilden 23 ℔ gr. Item Johannes so sante ic ju in Hinrichkes tunne op Morde 7 ellen lakens, dei stonden 27 sl. gr.
Item Johannes so geleive ju to weten, dat ic op ju hir opkoft hebbe op Johannes Bardewik, dat hei dat betalen sal van juwer wegen Hinrich Stelhorn to twin tyden tohope 40 ℔ gr., des kofte ic 20 ℔ vor 6 marc 5 sl., dei andere 20 ℔ to 6 marc 6 sl.
Item so kofte ic noch van Arnt Ryken 12 ℔ to 6 marc 6 sl., dat sal ok Bardewik betalen van juwer wegen. Dit sint tohope 52 ℔ gr. Hirvan sla ic ton ersten dei 23 ℔ gr. van den 2000 scones werkes, aldus so blivet dar noch over 29 ℔, dei rekene ic op Lub. gelt 183 marc 12 sl. Lub. Hirvan sla ic af dei vorscreven 130 marc 12 sl. Lub. unde ic sla af vor dei 27 sl. 8 marc 4 sl. Lub., dat es tohope, dat ic afsla van der summa 139 marc; aldus so blive ic ju hir schuldich van desser summe geldes, dei ic op ju koft hebbe 44 marc 12 sl. Darmede so love ic, dat unser beider rekenschap sleicht sy dit over rekent slecht, schelt ju dar icht, dat scrivet my, so wil ic alle dinch slecht maken unde don alle dinch ut.
Item Johannes gude vrent, so wetet, dat my myn broder Syvert gescreven hevet, dat ic op ju kopen sole van hir Hinrich Scrivers kinderen wegen 275 marc Lub., dey meine ic op ju to kopen myt den ersten unde hiraf
: Briefwechsel Hildebrand Veckinchusen. Leipzig: S. Hirzel, 1921, Seite 3. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_040.jpg&oldid=- (Version vom 31.7.2018)
