Aldas vorliket ju myt juwen broder unde ik mene gy sollens under ju beyden wol to der warde komen. It is my leit., dat ik et aldus nicht screven hebbe, der man (!) des anderen rekenscop, zo hadde gy wol vorstan na al juwer breve, so is juwe rekenschop unde de myne wol ens sunder 160 marc, de juwe broder tostaen screven van Boden van Stocken unde dat gelt van Gert Salmensten de 216 marc Lub. Hirmede (blivet) sunt unde bedet over my. Unde ik wil de selscop – – – hir ha – – – enen ende afmaken. Blivet sunt. Scriptum am den mytweken post Laurencium …
Minen denst Hildebrant, leve vrunt. Hir wete gy juwes broders rekenscop is gicht; stunde darane, dat ju tohorde, zo mochte gy ju under ju beyden vorgaen in punte. So bin ik em 117½ marc Lub., de antworde my Johan van der Brughen. Item zo antworde my Langerben 14 marc. Item Syverdes wyfes moder 10 marc Lub. Item antworde my Langerben 11 marc Lub. Item antworde Langerben 17 marc Lub. Item antworde my Johan van der Brugen 18 marc Lub. Item Hanzele 12 marc Lub. Item zo hebbe ik untfanghen 84 marc 6 sl. vor 1 ballen dok. Item hevet my geven Hinric Lozekinc 130 marc Lub. Item Bode van Stocken 160 marc Lub. Item hebbe ik untfangen 249 marc 18 ₰ vor 3 ballen doke, summa dat ik van Sywerdes wegen untfangen hebbe 722 marc Lub.
In primo zo is my Ziwert wedder schuldich 58 marc Lub. van syner vrouwen. Item zo gaf ik Arend Wogher vrouwen 24 marc Lub. Item Jacop Jachgauwer 10 marc Lub. Item gaf ik vor de luken to tomakende 3 m. Lub. Item zo gaf ik vor 30 ℔ grote, de de warden up my wedder umme koft ut Pruissen 200 m. L. minus 4 m. L. vor de marc Prus gaf ick 35 sl. Merten van den Hove. Item gaf ic vor stocwys, de em sant wart, 6 m. L. Item hebbe ik geven var vorloen 23 gulden … Tydeman Brekelvelde 40 m. L. … e man to der … 16 sl. Item vor de tunnen oire, de to Kollen wart sant, 2 m. 3 sl. Item Hans Krouwel 10 m. L. vor de rente. Item zo mande my Stert von Zyverdes wegen umme 24 sl. van verendel botter; der maget to lone 1 m. L. Item so was Heyle schuldich 6 m. 4 sl. Steven vor 1 tunne vort. Item zo gaf ik Hildebrant Vockinchusen 275 m. L. van Scriver; item der ammen vor de pels 18 sl.; item Billevelde 8 sl.; item 1 marc Lub. in dat kloster; item vor Vinken 8 sl. to der scholle; item den schumaler (!) 25 sl; item den – – – Hildebrant Vockinchusen heyle unde rof vor 4 m. L.; item gaf ik Hinrik Doryngh 25 m. L. 8 sl. vor de 30 Rinsgulden … (Ha)ns Krouwel … nte 10 m. L. summa 719 m. L. 4 sl. Aldus blive ik … (Siv)erde 4 m. L. Leve vrunt Hildebrant aldus isset tusgen juwen broder unde my. Item zo is he my schuldich 32 m. L. van der koste ut den huse, do ik dat hus vorstunt. Hirunche (!) hevet my geven Hormen Platenscleger 26 m. L. unde van der anderen rekenschop hirumme 4 m. L. Aldus sal my summa bliven 13 m. Item zo hebbe ik Syverde juwe rekenschop wedder ok aldus scriven up dat gy ju sulven undergan myt der rekenscop.
Item zo scryve gy van pagemente op my to koppende van Syverdes wegen und van juwen wegen. Ik bin ju nicht schuldich van dar to Syverde,
: Briefwechsel Hildebrand Veckinchusen. Leipzig: S. Hirzel, 1921, Seite 46. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_046.jpg&oldid=- (Version vom 31.7.2018)
