|
Wilhelm Stieda (Hrsg.): Briefwechsel Hildebrand Veckinchusen |
|
|
by dey rekenscop, dat moet eyrst ut ju komen gy mogen dar hartlyken umme scryven, men scryvet nicht woe vele gy hebben wellen, men eschet ummer wan 4 jarn vordel darna dat men andern luden doen hevet und noch doen sal, so mach men ju nicht myn beyden dan andern luden. Grotet alle vrunt. Ghescreven op sunte Lourensus dach 1411 jar.
Ic wel juwe grote rekenscop weder senden also ic eyrst kan. Desse man wolder nicht dregen.
(2. Blatt)
Item gy scryven in der rekenscop dat ic der selscop schuoldych were 863½ 11½ sl. Lub. Hyr scref ic ju doe weder op dat gy op van Johan van der Bruoggen 264½ marc Lub. kopen solde und op Johannes van Mynden 220 marc van deme naten terlync wandes. Item 36 (!) 10 sl. vor dey 18 marc Prusch syn in myn propper rekenscop nicht komen, dat wet ic wol, wand ic nergen neyn gelt dar untfangen hebbe mer dan dey 24 marc Prusch. Gy scryven my lest, gy wolden my beschet darvan scryven, dat beschet wyste ic gernne dat were gud by tyden slechtet.
Item sal ic dey 21 marc myn 4 sl. allene vorleyssen an den 30 ℔ gr., dey in Prusen overkoft wern, dat vynt syk wol, ic meyne dey schade sy also grot nicht dey my tokomen solde ofte ic den schaden ummer allene dregen solde, wan men wyste wat dey marc Prusch doe van Lubeke ut overgolt to wesselne. Hans van Mynden hadde ghelovet dat gelt in Prusen uttogeven, wat schade darop komet, den sal Hans betalen, also ic meyne, men des kan nicht 31 marc myn 4 sl. syn.
Item gy scryven dat an myner rekenscop unbreke 128 marc, dar rekent tegen 122 cronen, also ic ju vele screven hebbe, dar meyne ic, dat dey rekenscop mede recht syn sole und nicht unbreken solde. Aldus sal an den 800 marc und 64 marc 12 sl. weder afgaen an dessen vorscreven 5 porsselen also ic meyne 669 marc 14 sl. ofte darby. Dyt scryve ic myn rekenscop nicht, er ic dat clar weyt und ok dorve gy neyn gelt an unser selscop dartegen afscryven, er dat slecht es. Ic hebbe aldus in myn bok screven, dat Lyseke opbord hevet to Lubeke van Tomas Veckynchusen 800 marc, item van Boden van Stockam 263½ marc Lub., item vor eynen terlync Tomasch laken 210 marc sunder slachdok, summe van al dat Lyseke untfangen hevet 1263½ marc Lub. Des gaf sey weder ut in der Venedyesschen selscop 672 marc Lub.; item ju an stocvysche sand 82 marc 7½ sl. Lub.; item Hoensteyn gaf ju 24 marc 11 sl. 4 ₰; item ju an golde oversand 83 marc und 1 sl., item vor 8 ℔ gr. utgeven 50 marc Lub.; item vor 18 marc und 8 schot Prusch utgeven 36 marc 10 sl. Lub., item vor 30 ℔ gr. utgeven 210½ marc 4 sl. Lub., summe van al weder utgeven 1164 marc 9 sl. 10 ₰. Aldus unbreke ju an desser summe 262 marc 6½ sl. Lub.
Item sy ic ju van Tyten wegen 70 marc 4 sl. und van Swartten wegen 83 marc 3½ sl. und vor dat gro Yppersch 34½ marc, summe van dessen
: Briefwechsel Hildebrand Veckinchusen. Leipzig: S. Hirzel, 1921, Seite 2. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_073.jpg&oldid=- (Version vom 31.7.2018)
