|
Wilhelm Stieda (Hrsg.): Briefwechsel Hildebrand Veckinchusen |
|
|
3 porsselen 188 marc myn 6 den; item vor 34 marc Prusch 50 marc Lub., summa van al dat gy van my tachter syn, also vorscreven es 400 marc und 6 sl. Lub., aldus vele moge gy hyr tegen wol afscryven ut unser selscop.
Item hebbe ik ok screven, dat gy my rys sand hebben vor 13 ℔ myn 1 gr., dar moge gy ok wol also vele tegen afscryven.
Item hebbe ic ghescreven dat ic ju nu op dat nye schuldych sy 28 ℔ 13 sl. gr., dar moge gy ok also vele tegen afscryven van der selscop.
Item hebbe ic ghescreven, dat wy Tomas Vockynchusen ut unser selscop schuldych syn 894 marc, dey betalt Tomass ut der selscop. Item hebbe ic ghescreven, dat wy Boden van Stockam geven solen vor syn pard in der Venedyesschen selscop 470 marc 3 sl. 8 ₰, dey betalt ok ut der selscop wand dyt roret syk al in dey selscop, darumme slechtet dyt al ut der selscop to eynen eynde. Unbreket dar dan ane ofte lopet darover, dat welle wy wol vynden, ef Got wel, und rychtet al dync ut also gy best kunnen, wat schaden gy umme eynyge betalynge doen ofte nemen, den wel ic gernne mede betalen und anstaen, also dat recht es, wand ic hebbe neyn gelt met alle in handen ut to leggen. Hedde my dat gelt to Lubeke mogen volgen, so wolde ic uns dat gernne leynt und utgheleget hebben und ic wet woe umme gelt doen ic hyr tachter vele geldes und moet leynen und borgen, dat ic vorteren sal, Got geve, dat al gud met leyve ut Lyflande und van al umme in juwe hande kome, so wel ic vele sorge to eynem eynde maken met juowen rade und hulppe und dat wy ok eynen guden eynde krygen met der Venedyesschen selscop, darna dat dey rekenscop vallen wel, darna mote wy unse dync ansetten op eyn vaste dync, welken wech un profytelykest duncket. Solde ic hyr wonen, so were my dey Venedyessche selscop best und handelynge in dessen landen und my duncket, gy hebben mest ghenochte to der see ward. Est dat ic hyr blyven wonen, so meyne ic myn handelynge mest in dessen landen to hebben und to Venedyen ward und van som selscop to scheden by der see, wand men vynd neyne truowe selscop gheselscop wan eyn man dar nicht sulven vor ogen wesen mach. Ic scryve ju al dync int beste und wel, ef Got wel, met in gud und arch lyden na aller mogelycheyt.
Item doet wol und scryvet my beschet van deme gelde dat Wyllem Dalhusen und ic by ju hebben van wasse und ok al beschet van den lasten to eynem eynde und es wat van den lasten unvorkoft, dat vorkopet, ic wolde dat al slecht were.
Item also gy my vele screven hebben, dat ic manc Hans gelde van Mynden eyns ghehad hedde 24 cronen, dat scryvet my ok ju wytlycheyt van.
60. Ludwig Buggendal und Gerwin Marschede an Hildebrand Veckinchusen in Brügge. — 1411 Aug. 14.
- Rev. St.-A. Orig. Adr.: An Hildebrant Veckinchuosen in Brugge detur littera.
Vrentlike grote vorgescreven an unsen leven vrent Hildebrant Vockinchusen. Weten sole gi, dat wy noch van juwen engever nicht vorkoft
: Briefwechsel Hildebrand Veckinchusen. Leipzig: S. Hirzel, 1921, Seite 3. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_074.jpg&oldid=- (Version vom 31.7.2018)
