Seite:Briefwechsel Hildebrand Veckinchusen 075.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

hebben. Wy hebben dar wol to 6 malen koplu^ode overgehat, se wellen uns nicht 5 mark beyden vor den sten, hedde wy en konen von 5½ mark vortgeven, so hedde wy en wol vorkoft men er wy en geven vor 5 mark, darvor wille wy en stan laten myt wy juwen willen weten unde wy willen darby doen ofte he unse egen were. Scryvet uns juwen willen. Item de hir nu^o gude gedelike laken hedde, de gu^olden wol reyde gelt alzo wol unde het den in 8 jaren mochten doen. Anders en wete wy ju^o nicht to scryven den Got sy myt ju^o. Gescreven op unser leven vrouwen avent to worcewinnge 1411.

Lodewich Bu^ocgendal, Gerwin Marschede.

Item Hildebrant wy meynen de laken solen hir jarlank wol by gelde bliven su^onder Mestensche unde Ku^omesche unde Tomasche, der es hir vele. Item gu^ode Dellermu^ondesche gelden hir nu^o op dessen dach 6 mark, Gertbergesche 4 mark unde 4 scot, ok mer darna se sin, Myddelbu^osche 4 mark myn 1 frd., gu^ode Herentalsche 10 mark, Leydesche 8 mark. Hir moge gi op dencken, kone gi provit doen.

61. Gert Elrik bekennt von Hildebrand Veckinchusen für einen Schiffsanteil eine Summe Geldes erhalten zu haben. — 1411 Oktbr. 15.

Rev. St.-A. Orig. mit auf dem Papier aufgedrückten Signet.

Ik Gert Elrik kenne, dat ik untfangen hebbe van Hilbrant Wekkinkhu^osen van Gosschalk Ewinkhusen wegen up sin part schepes van Engelbrecht Bonettes holke van dem Englischen gelde der betalinge 10 ℔ gr. 3 gr. 1 Engelsch. Hir love ik Hilbrant schadelos vor to holden vor namanynge van Gosschalkes wegen. In kennynsse so hebbe ik myn singenet umme op dessen spasiu^om ghedrucket. Ghedaeen int jar 1400 und 11 jar 14 dage na Bamisse.

62. Bruchstück eines Briefes von Hildebrand Veckinchusen an seine Schwiegermutter in Riga (?). — 1411, Oktbr. 21.

Rev. St.-A. Einzelnes Blatt, kann der Entwurf des Briefes gewesen sein. Adresse fehlt.

Item so untfench ic noch ut Bernt Olrykes 1 tunne, darop quam to ungelde 34 gr. Item so hebbe ic ut desser tunne vorkoft 7000 21 tymmer scones werkes, dat 1000 golt 11 ℔ 10 sl. gr. Item hirvan gheyt to mekelerdye 4 sl., aldus so es dey summe van desser tunne 89 ℔ 16 sl. 5 gr.

Item so antworde my Evert Snoyen 1 tunne, darut vorkofte ic 1000 myn 2 boyte troieniss, dey hebben golden 7 ℔ 14 sl. 8 gr. Item so was hir inne 42 tymmer lasten, dey sint noch unvorkoft. Dyt es al dat werk, dat ic untfangen hebbe unde vorkoft unde nu moghe gy weten wat alle werk ghegolden hevet. Aldus hadde ic dat ghescreven mynen swager

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 4. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_075.jpg&oldid=- (Version vom 31.7.2018)