|
Wilhelm Stieda (Hrsg.): Briefwechsel Hildebrand Veckinchusen |
|
|
Evert Snoyen, dat he ju dat solde to kennen gheven op dat gy alle dinch wysten.
Item so hebbe ic hir 29 stucke wasses, darvan wort my blyvendes
geldes 107 ℔ 4 sl. 11 gr. Dyt ghelt hebbe ic bewert unde hebbet Snoyen
sant under dessen merke 
unde ic hope, gy solen ju wol vorliken
umme dey laken, woy sik dyt hevet, dat wet gy bet dan ic.
Item vrouwe so gheleyve ju vort to weten, dat ic hebbe untfanghen van den gude ut Einghelant van myns heren wegen ton ersten 30 ℔ gr. myn 1 gr.
Item so hebbe ic ok van des scheppes part Bonnyttes 10 ℔ 10 est; hort ju dat to, dat vint sik wol.
Item so antworde my Gosschalk Stenhus van Kort Borstel wegen 5 ℔ 5 sl. 5 gr.
Item so hebbe ic untfangen van Ludeken Stenhorst unde van Tydeman Roden also van Boytins scheppe up myn heren part 39 sl. 4 gr.
Item so hebbe ic untfangen van Johannes Kouvolde dat unghelt, dat ic utghegeven hadde op dat vorscreven gut, dat in Einghelant genomen was van den Einghelsschen, 4 ℔ 5 sl. 6 gr.
Item vrouwe, hir hebbe gy nu alle bescheit van allen gude, des ik hir hebbe, int lant van juwer wegen. Ic meyne ju, ofte Got wyl, den mestendel to hant to schicken to vorjaren, ofte Got wil. Unde ic hebbe ju in anderen breyve al mynen willen screven. Darvan begere ic 1 gut antworde myt den ersten. Hirmede so moyte ju Got bewaren. Altos ghescreven 3 weken vor sunte Mertyns, 1411 in Brugge.
Item so sante ic ju by Johannes Koylhasen allerleye crude, dat stont 33 sl. 7 gr.
63. Tideman Brekelveld an Hildebrand Vechinhusen in Brügge — 1411 Oktbr. 28.
- Rev. St.-A. Orig. Adr.: An Hyldebrant Vockynchusen to Bruoge detur. Darunter von H. V.’s Hand: 1411, 15 in desember
. Dyt es dey antworde van myner rekenschap van Lunenborch. Dey schade van den 80 ℔ gr. es 3 ℔ 3 sl. 2 gr. 1 osten. Das Papier ist gegen den Schluss verwittert und durchlöchert, so dass der Inhalt teilweise nicht mehr feststellbar.
Vrentlike grote vorscreven wetet Hildebrant dat wy juwe rekenscop overghezen hebben und gy hebben ghescreven, wo gy ghegeven hebben Hans Lozekyng 400 gulden und wy en konen nicht gheweten vor van efte van wes wegene. Item Hildebrant so schryve gy, wo ghy ghegeven hebben vor lacke 30 sl. 3 ₰ to ungelde, item noch to ungelde vor lacken 3 ℔ 18 sl. 5 gr. desse 3 ℔ 18 sl. 5 ₰ hebbe ghy weder afgherekent und wy en weten nicht, of gi de 30 sl. und 3 ₰ hirto gherekent hebben of nicht.
Item hebbe gy de summe summe gherekent dat gy utghegeven hebben 4513 ℔ 3 sl. 3 ₰ und wy en vynden nicht mer dat gy utghegeven hebben
: Briefwechsel Hildebrand Veckinchusen. Leipzig: S. Hirzel, 1921, Seite 5. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_076.jpg&oldid=- (Version vom 31.7.2018)
