|
Wilhelm Stieda (Hrsg.): Briefwechsel Hildebrand Veckinchusen |
|
|
doen. Scryvet ju Lyseke ergen umme, dar helppet er mode also gy eyrst und best kunnen. Ghescreven op sunte Margreyten dach 1412 jar.
Lyseke lat dyt utscryven 2 und scref mynem broder, est dat, dy icht unbreket, hey sal dey wol helppen.
[1] Item bole Hylbrant, is her Hartwych Steynhus dar, so seghe dem, wyl hey Syvert wat, dat mach hey eme scryven tho Kollen.
78. Sivert Veckinchusen in Augsburg an Hildebrand Veckinchusen in Brügge. – 1412 Juli 22.
- Rev. St.-A. Orig. Adr.: An Hyldebrand Veckynchusen to Brugge littera detur. In diesem Brief lag ein anderer desselben an denselben vom 13. Juli gleichen Jahres.
Broderlyke leyve vorscreven wetet, dat wy hyr God danck wol ghesund syn van der ghnade Godes und al dync sal, ef Got wel, gut werden, men uns kan ut der selscop neyn gelt werden vor desser mysse, darumme dencket op gelt also gy mest kunnen, dat ic ut den schulden moge komen in der myssen. Int eyrste umme dey 800 gulden van deme wasse und ic sy ok gelt bysunder schuldych und moet ummer 400 gulden hebben alsolde my 1 ₰ twe kosten, sal ic ut den schulden komen, darumme maket dat, woe gy kunnen und schycket my gelt und ic hope in dey mysse to komen ofte er to Kolnne, Got geve beholden vard al umme und ramet des besten in allen dyngen und beydet over my und grotet al vrunt und beslaet ju in neyn schult und ic wel neyn dync begynnen er ic ut den schulden und ut vele noeden sy und holdet und vorkopet al dat gy van der selscop wegen in handen konnen krygen und ic wol, dat gy noch vele mer in handen hedden. Ic meyne, sey senden ju van Lubeke vele mer gudes van unser selscop wegen. Ic hebbe mer dan 400 gulden utleynt in dey selscop, my kan 1 ₰ nicht weder werden. God betert, men ic hope unser selscop sal neyn vorluos kommen, woe vele recht scheyn moge also ic hope, dat wol scheyn sole. Got gevet und voge al dync to den besten to ewycheyt. Grotet myn suster und al vrunt. Ghescreven op sunte Maryen Magdalenen dach 1412 jar. Slypper Hans van Mynden doen ju sere groten.
Item doet wol und segget Hans Losekynge, dat hey nicht late, hey make dat gelt in dey mysse to Francvord van den 2 ballen sardoken, dey moten betalt syn, al wat dat kostet. Dat arbeydet hartlyken met eme und doet dat beste in allen dyngen.
- ↑ Von einer anderen Hand, wie es scheint, die Lyseke Veck.’s oder ihres Schreibers.
: Briefwechsel Hildebrand Veckinchusen. Leipzig: S. Hirzel, 1921, Seite 19. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_090.jpg&oldid=- (Version vom 31.7.2018)
