Seite:Briefwechsel Hildebrand Veckinchusen 095.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

in handen von der selscap wegen. Scryvet my al dync und ramet des besten. Also wel ic ok doen und grotet myn suster und al vrunt und holdet ju wol und hebbet guden moet und latet unse terynge na unser nerynge annemen, des behove wy wol.

Item latet Kornelys scryven und walsch leren, men ic wel dar neyn gelt anleggen, wel eme dey moder helppen, dat es my leyf. Hey es eyn wylt schalk, hey sal bet by eyme andern dyegen dan by my; darmede geve ic en eyn tyt over und laten syk vorsoken. Helppet und radet gy eme des besten al umme sunder ju^owen groten schaden. Segget eme, hey dorve nummer under myn ogen komen, hey en neme syk bet an dan hey noch doen hevet. Ic sege gerne, dat hey wol scryven kunde; welken wech gy dan meynen dar hey best vellych henne (!) es, dar mach men en henne senden. Ic bevel en ju und geven ju, ic wel eme hyrnest scryven, dat hey syk op my nummer vorlaten noch dregen dorve, hey hebbe my al reyde mer kostet dan my leyf sy und dat hey sey, des hey syk sulven behelpe, dyt sal deme jungen gu^od syn, hey solde syk anders to sere op my dregen. In al doet dat beste. Ic hebbe dessen ghesellen hyr al betalt, gy mogen eme 2 gr. geven to vordryncken und schycket gy elken synen breyf und scryvet my ofte Reynolt Swartte in Prusen blyven welle und al ju gudduncken. Ghescreven op sunte Mychels avent 1412 jar.

Zyverd Vockynchusen, Kolnne.

Vornemet al dync bet dan ic ju screven hebbe und scryvet my al juwen wyllen weder. Som lude seggen, dat welle in Prusen weder orloge werden.

Leyve broder desse rekenscap hebbe ic ju wol erscreven, hyr vynde gy inne dey 80 marc Lub. van Steynhu^oses wegen und ok dey 128 marc Lub., summe 208 marc, scryvet my dey eyrst weder to. Doet wol und scryvet my al rekenscap van begynne an send dat ic lest by ju to Brugge was to eynen gantsen eynde und scryvet wat gy doe by ju hadden und send untfangen hebben. Darna scryvet wat gy weder van ju sand hebben und wat gy utgeven hebben, dat sy in dey selscap gheleget ofte Tomass geven ofte Boden van Stockam geven und brenget elk op eyne summe, utgeven bysunder und untfangen bysunder, so moge wy vynden waran wunnen ofte vorloren es und woe unse dync steyt. Darna scryvet wat ic der selschap schuldych sy und warvan und darna wat ic ju bysunder schuldych sy, gy hebben Hans rekenscap van Mynden hyrby und ok hebbe gy Lyseken rekenscap und ok hebbe ic ju al myn ghebrek vele screven wot my an elken dynge bysunder schelt hevet.

Int eyrste schelt my dey 80 marc van Steynhu^ose und 128 marc van den 122 cronen. Darnest 9 ℔ gr. van Hoensteyne, darnest 36 marc 10 sl. vor dey 18 marc Pru^osch, darnest 220 marc van eynen terlync wandes, darnest 264½ marc van Johan van der Bru^oggen, darnest 2½ ℔ gr. van Tyten wegen ic hadde 25 marc op myn del reyntte utgeven. Item 21 marc Lub. dey an 30 ℔ gr. solden vorloren syn. Scryvet my wat men vor elk ℔ gr. to Danschke solde geven hebben. Gy solen my ok toscryven 24 cronen, dey gy by Hans gelde van Mynden untfengen. Gy hebben ut unser

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 24. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_095.jpg&oldid=- (Version vom 31.7.2018)