|
Wilhelm Stieda (Hrsg.): Briefwechsel Hildebrand Veckinchusen |
|
|
5 sl. 8 gr. Desse einghever es in Prusen noch unvorkoft, also ic anders nicht ein weyt. Ghelt dey einghever myn ofte mer, dat es op der selschap profyt win unde vorlus.
Item so hebbe ic noch 247 punt musschaten Lub. wychte, dey worden gherekent op 15 gr., dey summe darvan was do 15 ℔ 8 sl. 9 gr. Dey musschaten sint nu ergher 1 ℔ 7 gr.
Item so hadde ic do noch 2 stucke allewe, dey weghet, so hey es, 114 punt. Des was do gherekent op 5 ℔ gr. dey es nu so gud nicht. Ic kans nicht quyt werden to profite. Desse 2 stucke lyggen hir ok.
Item so helt ic noch op dey sulven tyt 2 feteken musschaten blomen. Dar was inne bey den 125 punt blomen. Dat punt was gherekent op 32 gr., dey summe darvan es 16 ℔ 13 sl. 4 gr. Hirvan vorkoft 1 fat, dar was inne 67 punt 3 quartyr, dat punt golt 32 gr. Dey summe darvan es untfangen 9 ℔ 8 gr. Dat ander fat es wol 15 sl. gr. ergher dan dat gherekent was.
Item so helt ic do sulves 32½ punt gallegans, dat punt golt 24½ gr.; dey summe darvan es 3 ℔ 6 sl. 4 gr.
Item so hadde ic do noch 93 punt sedevers, dat punt golt 10 gr., summe 3 ℔ 17 sl. 6 gr.
Item 46 punt wormcrudes, dat punt golt 16 gr. Dey summe darvan es 3 ℔ 2 sl. 4 gr. Aldus so es my tohope worden van den crude 19 ℔ gr. 6 sl. 8 gr. Des sal dar afgan dey mekelerdye, dat wyl ic wol vinden also dat leste dinch vorkoft es. Aldus so wete gy hir dat ghelt, so wes my hirvan worden es unde so wes dat unvorkoft es. Nu moghe gy aldinch to der lesten rekenschap breynghen, dar vinde gy al dinch clar inne, woy syk dat hevet, so wes ic darinne van reyden ghelde behelt op dat krut. Mer wylle gy ein clar einde hiraf maken, so rekent dat dinch dat noch vorkoft es 4 ℔ 10 sl. gr. myn dan dat vorslaghen es, so wyl ic myn eventur darvan nemen, wylle gy ok nicht, sta dey selschap eventur.
Item so hevet Slyper opkoft 312 Rynsche gulden; darvor gaf ic 57 ℔ 7 sl. 2 gr. Dyt scryvet af an myner summe.
Item ghelyk also ic ju wol er ghescreven hebbe in myner anderen rekenschap, so scryve ic ju noch, dat my gheschey vor myn arbeyt ghelyk du broder my to screvest int erste also wol … Hirmede so moyte ju God alle ok bewaren unde vorlennen ju allen 1 gud sallych nye jar unde na dessen levende dat ewyghe levent amen. Ghescreven int jar 1414 2 in jannewario in Bruogge.
97. Tideman Brekelvelde (in Lübeck) an Hildebrand Veckinchusen in Brügge. – 1414 Febr. 16.
- Rev. St.-A. Orig. Stellenweise durchlöchert. Adr.: An Hildebrant Veckinchusen to Brugge littera detur.
Vruntlike grote tovorne screven. Wetet, Hildebrant, dat ik ju sunderlingen nicht to screven en wet, anders dan ik ju wol alrede screven
: Briefwechsel Hildebrand Veckinchusen. Leipzig: S. Hirzel, 1921, Seite 44. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_115.jpg&oldid=- (Version vom 31.7.2018)
