|
Wilhelm Stieda (Hrsg.): Briefwechsel Hildebrand Veckinchusen |
|
|
stont 2 ℔ 4 sl. gr. Item antwort emen noch 1 rot sneden Tomasch, stont 31 sl. gr. Item so makede ick dy over by Ghert van Halleghem, dat hey dy gaf to Franckenvorde in der mysse 400 Rynsche gulden, dey stonden 55 ℔ gr.
Item darna 8 in meye 1411, do brochte my Johan dey Kuper 1 breyf also dat ick emen gaf vor 500 Rynsche gulden 400 gl. cronen, darvor betalt 68 ℔ 15 sl. gr. aldus so es unde was dey summe darvan tohope 127 ℔ 11 sl. 6 gr. Item broder hir af sloych ick do dey vorscreven 51 ℔ 10 sl. 6 gr. Item so gaf my Bokel do vor 50 Rynsche gulden 6 ℔ 17½ sl. Item so worden my van den 15 stucke wasses dey helfte van 90 ℔ 8 sl. 11 gr., darvan horde dy to also van der helfte 45 ℔ 4 sl. 5½ gr., aldus so es dey summe in al also hir vorscreven stet 104 ℔ 12 sl. 5½ gr.
Aldus so rekent dat ene keghen dat ander, so bleves tu my dan schuldych, dey 80 ℔ dot gherekent, 24 ℔ 19 sl. 1 gr. Item so weres tu my van Nyclauwes Hennemer 18 sl. 4 gr. Item so sante ick dy by Slyper van Andorpe 7 ellen wandes, dey stonden 24 sl. 5 gr. Item so sante ick dy by Reymmer 20 ellen myn ½ quartyr lakens stont 2 ℔ 11 sl. 2 gr., aldus so bleves tu my hyr schuldych 28 ℔ 13 sl. gr. Broder Syvert vindet syk desse 28 ℔ 13 sl. ein ander wech, des ein weyt ick noch nicht.
Item broder also umme dat ghelt van den wasse myt Amt Wachendorpe, dat stont 1600 synttener unde ok was dar ander was, also dat Wachendorp unde dey rekenschap clar hadden, also dat uns blef to unsen delle 80 ℔ 5½ gr. Hirop sante ick dy brassylleghenholt, dat stont 47 ℔ 18 sl. 4 gr. Item hirto so hades tu rys op 13 ℔ myn 1 gr. broder, hir hadestu so velle also dyne rekenschap vorclaret, dey darop horde also dat du dey 80 ℔ 5½ gr. vol haddest, also syk dat noch wohl vinden sal, ofte God wyl. Item broder dat vorleys op dat was es to mynen parte 15 ℔ myn 2 gr. 18 myten, dat sy ick dy schuldych.
Item broder so wort my van den ghelde van Lubeke, dat worden was van dynen husse unde rente tohope 103 ℔ 16 sl. 3 gr. Item hir einteghen wers tu my schuldych 110 ℔ 17 sl. 2½ gr. broder hirto so soldes tu utgheven dey helf, dey Tomass Veckinchusen brach, also 70 ℔ unde darto des Bode van Stochem einbrack, woy syk dyt vinden wel also wy to rekenschap komen.
Item broder also umme dey 97 ℔ 15 sl. 9 gr., dey ick behelt van Johannes weghen Hostens, darvan betalde dey 500 Rynsche gulden, dey Arnt Wachendorp op my kofte van dyr weghen 70 ℔ 11 sl. 1 gr. unde darto betalde ick dey 25½ ℔ gr., dey du na der tyt betaldes Syrenberghe also dey 30 ℔ gr. Broder hir sint in rekenschap also ick dey to gader hebbe unde alle dynch over ein brenghen, so sal dyne rekenschap tomale sere schellen, darumme so en vorlate dy dar nicht sere to, dat ick dy velle schuldych sy, du salt seker an dynen donde velle myssen, dat sal nicht also sin also du lychte meynest rechtverdycheyt moyt, vortgan ofte God wyl.
Dessen sin hebbe ick mynen broder screven int yar 1415, 7 in junejus.
: Briefwechsel Hildebrand Veckinchusen. Leipzig: S. Hirzel, 1921, Seite 53. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_124.jpg&oldid=- (Version vom 31.7.2018)
