|
Wilhelm Stieda (Hrsg.): Briefwechsel Hildebrand Veckinchusen |
|
|
werkes, hirop quam to allen unghelde 13 sl. 5 gr. Item vorkoft hirvan 5000 5 tymmer scones werkes, elk 1000 golt 11 ℔ 7 sl. gr., summe blyvendes hirvan 58 ℔ 6 sl. 7 gr. Item so untfench ick do sulves int jar 1410, 15 in jullejus ut scheper Lunenborghe 2 tunnen werkes, hirop quam 9 sl. 1 gr. Item vorkoft ut er tunne 8000 scones werkes, dat 1000 golt 11 ℔ 15 sl. gr. Summe hirvan es tohope blyvendes 93 ℔ 10 sl. 2 gr. Item vorkoft ut der anderen tunne 3000 1 quartyr lussches werkes, dat 1000 golt 9 ℔ 16 sl. gr. Item vorkoft darnest 1 quartyr rodes werkes, dat golt 2 ℔ gr. unde 15 tymmer harwerkes, dat golt 5 ℔ 8 sl. 6 gr. Item vorkoft noch 10 tymmer harwerkes by 15 unde by 20 bunden, darvan wart 3 ℔ 7 sl. 7 gr. Aldus so es dey summe van desser tunne blyvendes gheldes tohope 52 ℔ 6 sl. gr.
Item so untfench ick, do sulves na der tyt ut Bernt Olrykes 1 tunne werkes, hirop quam to unghelde 6 sl. 10 gr. myt mekelerdye. Item so hebbe ick vorkoft ut desser tunne 7000 21 tymmer scones werkes, dat 1000 golt 11 ℔ 10 sl. Summe hirvan es 89 ℔ 16 sl. 5 gr. Item so antworde my Evert Snoye 1000 myn 2 bote harwerkes, dat hevet ghegolden 7 ℔ 14 sl. 8 gr.
Item so hadde ick hir 42 timmer 10 lasten, dey golden blyvendes tohope 7 ℔ 18 sl. 4 gr. Int jar 1410, 11 in desember, do antworde my Johannes Kouvolde van den Einghelschen gude 30 ℔ myn 1 gr.
Item so untfench ick noch do sulves op 1 part scheppes Einghelbrachtes Wytten weghen van Bonnyttes 10 ℔ myn 10 osterl. Item so antworde my Gosschalk Stenhus van Kort Borstelle weghen to myns heren behoyf 5 ℔ 5 sl. 5 gr.
Item so untfench ick noch van Johannes Kouvolde op dat unghelt van den Einghelschen gude 3 ℔ 5 sl 6 gr.
Item so antworde my Ludeke Stenhorst unde Tydeman Rode van 1 part scheppes Boytyns 39 sl. 4 gr.
Item so es dey summe hirvan tohope van dessem vorscrevenen ghelde 360 ℔ 13 gr. 1 est.
Item so gheleyve ju to weten swagher unde vrouwe, also dat my Evert Snoye dede gheven in der Ackervart 35 ℔ gr.
Item so dede my Evert Snoye do antworden na utwysinghe som scryf by Renolt Swarten ton ersten 2000 14 timmer scones werkes, dat 1000 golt 10 ℔ 15 sl. gr. Darnest antworde hey my 1000 annigen, dat 1000 golt 10 ℔ 12 sl. gr.
Item do sulves antworde my Swarte 2½ quartyr troenisse, dey gulden al 5 ℔ 32 gr.; darnest 33 marten, gulden 2 ℔ 15 gr. Hirop quam to unghelde aldus tohope 9 sl. 8 gr. Aldus so es dey summe tohope van dessen porsselen 79 ℔ 17 sl. 5 gr.
Item so es dey summe nu tohope untfanghen van gude unde an ghelde 439 ℔ 18 sl. 6 gr. 1 est.
Item vrouwe unde swagher, so gheleyve ju to wetende na deme dat myn here, des God ghenedych sy, my vorgas myt wyve unde kinderen in sinen testemente sunder allenne myne dochter, der hey gaf 100 marc, so ick vorstan hebbe na deme, dat et dat aldus ghescheyn es, so nemme ick dat puntghelt van allen synen gude, dat ick ghehouryrt hebbe van syrweghen
: Briefwechsel Hildebrand Veckinchusen. Leipzig: S. Hirzel, 1921, Seite 55. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_126.jpg&oldid=- (Version vom 31.7.2018)
