|
Wilhelm Stieda (Hrsg.): Briefwechsel Hildebrand Veckinchusen |
|
|
110. Tideman Brekelvelde an Hildebrand Vechinhusen in Brügge. – 1415 Nov. 20.
- Rev. St.-A. Orig. Adr.: An Hildebrant Veckinchusen to Brugge littera detur.
Vruntlike grote tovorne screven. Hildebrant, gude vrunt, ju gheleve to wetene, dat ik nu ter stunt enen breff van ju hadde enen breff by Hinrike dem loper, de vort an sal to Lyfflande wart. Wes gy my darinne screven hebben, dat hebbe ik al wol vornomen. Got geve, dat Unrouwe mit leve komen mote.
Item, Hildebrant, desse rekenscop brachte my Lammeke van Tideman Swarten unde ik hebbe se overghelezen men nicht overgherekent, doch so misse ik dar noch inne, dat rode scharlaken unde 1 tunne mit tymeane. Hir hebbe ik Everde van Borstal unde Tideman Swarte van ghescreven, unde my dunket, dat de lude jo 1 quak inne beholden, alse de lude rekenscop screven. Seker, Hildebrant, ik en kan my drade in der werlt nicht gheberghen.
Item, Hildebrant, ik wel darna wesen, dat ik de syde in al weghen wel laten unde rekenen de op 1 summa gheldes, gheldet se mer off min, dat sal unse sin, de sydenwerkersche klaghen altomale over quade lozinge van doeken. Ok wel ik ju screven, wat my in schulde stet. Ik welt maken so clar alse ik best kan.
Item wes ju Tideman Swarte sant hevet, dar in de boze selscop horet, dat hebbe ik ok wol vornomen. Ik meine umer, dat gy dat kopper vorkofft hebben. Item, Hildebrant, wes gy my screven hebben van Hinrike opme Orde unde Hinrike Sliper, dat hebbe ik al wol vornomen unde wet ok al dink alse wol, alse gy et my screven hebben, wante Merten unde ik hebben eme dar mannichwerve van ghesecht, men he en nam des nicht vele to herten. He hevet alrede wol 10 off 12 daghe to Hamborge ghewest alse he herkomet, so wel ik eme darvan seggen. Anders nicht op desse tiit dan blivet ghesunt. Ghescreven des midwekens vor sunte Katherinen daghe anno 15.
111. Köln an Graf Günther zu Schwarzburg, Herrn zu Ranis, wegen einer Vollmacht für Sivert Vechinhusen. – 1415 Novbr. 30.
- St.-A. Köln, Kopiebuch 5 fol. 133 b, 1415 Nov. 30.
Uch dem edelen wolgebornem herren graf Gunther grafen zo Swartzburg ind herren zu Raneis des allirdurluchstigen fursten uns lieven gnedigen herren herrn Sygmontz, Roempschen coenyncks zu allen ziiten merer des riichs ind zo Ungaieren Dalmacien Croatien etc. coeninx hoefrichter unbyeden wir burgermeystere ind rait der stat zo Coelne unsern fruntlichen dienstz ind waz wir alziit gutz vermogen ind begeren uch zo wissen mit kuntschaft dises brieves daz vur uns komen ind erschenen synt die ersamen personen Cathrina elige huysfrouwe wilne was Hinric Sliipers unser samentburger dem Got gnade, Nella ind Aleyt desselven wilne Hinric Sliipers susteren
: Briefwechsel Hildebrand Veckinchusen. Leipzig: S. Hirzel, 1921, Seite 63. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_134.jpg&oldid=- (Version vom 31.7.2018)
