Seite:Briefwechsel Hildebrand Veckinchusen 141.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

sol an juwer rekenscap weder afgaen 4 ℔ gr. vor 24 cronen, dey gy my geven. Summe over al, dat gy an den vorscreven 450 ℔ 18 sl. 3 gr. weder afnemen solden, also vorscreven es, 260 ℔ 15 sl. gr.

Aldus bleve gy unser selscap schu^oldych, dat eyne tegen dat ander afslagen, 190 ℔ 3 sl. 4 gr. Also ic al dyt mest na juwer egen rekenscap ghescreven und rekent hebbe sunder dyt ghebrek also na screven steyt. Item ic meyne gy solen noch to rekenscap brengen 263½ marc, dey ju Lyseke van Boden van Stockam wegen to rekenscap brachte. Item Hans van Mynden brachte ju ok van Boden van Stockam wegen to rekenscap 264 marc. Item Lyseke brachte ju ok to rekenscap 210 marc van 1 terlync Tomaschen laken. Item Hans van Mynden berekende ju^o noch vor 1 terlync Tomasch laken 205 marc, desse 4 summen meyne ic sole gy mer by ju hebben dan dey 190 punt 3 sl. 4 gr. Est mer eder myn, dat sal altyt syn to guder rekenscap.

Item ic sy in unse selscap vorscreven schuldych, also ic ju vele screven hebbe, van eyner rekenscap van Lyseken wegen 106 marc 4 sl. 2 d. Item Hans van Mynden gaf vor my ut van der selscap gelde Salmesteyn 216 marc; item ic untfenc in Prusen 24 marc Prusch, summe maken 50 marc Lub. Aldus es dey summe van al, dat ic der selscap schuldych sy, 395 marc 10 sl. 2 d. Des es my dey selscap weder schuldych, dat ic to Tomas gelde betalde to Lubeke 26 marc. Item unbreket my 36 marc 10 sl., dey Lyseke to Lubeke utgaf der selscap vor 18 marc 8 schot op juwe breyve, dey gy Lyseken screven in wat rekenscap dey deynen, dat wete gy best.

Broder ic en wet nicht mer dat ic der selscap schuldych sy, wete gy icht, dat sal al tyt syn to guder rekenscap und wan gy dyt al overrekent hebben wes my darvan dan noch boren mach, dar nemet gy 50 ℔ gr. dey gy vor kost und ander dync hebben wolden und scryvet my dan wes my hyrvan noch boren moge und schelt ju an eynegen puntten icht, dat tekent bysunder op dyt arx poppyrs und juwe ghebrek darby und latet desse gantse rekenscap darumme nicht unghesloten. Dat es beter dat wy umme eyn del puntte twedrachtych syn dan umme dey gantse rekenscap und wan ic juwe ghebrek wet, ic hopes ju myt breyven wol to underwysen und hebbe ic ergen an unrecht, so wel ic gernne aflaten und wel, ef Got wel, nummer unrecht begeren, dar ic dat beter wet. Grotet al vrunt. Ghescreven 5 dage vor pynxsten anno 16.

Zyverd Vockynchusen, Kolnne.

118. Rechenschaft des Sivert Veckinhusen – Köln 1416 Juni 2.

Rev. St.-A. Orig. Auf der Rückseite: dyt es myn propper rekenscap. Dazu von H. Veck.s Hand 1416, 12 in jullejus. Eine besondere Adresse nicht vorhanden, da die Rechenschaft zusammen mit dem Briefe vom 27. Juni 1416 abging und in des Empfänger’s Hände am gleichen Tage, dem 12. Juli 1416, gerieth.

Item broder gy scryven my eyne propper rekenscap int 12^te jar 9 dage vor unser leyven vrouven dage lechtmyssen^[1], dat gy my doe schuldych

↑ 1416 Januar 24.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 70. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_141.jpg&oldid=- (Version vom 31.7.2018)

[1] 1416 Januar 24.

[1]