Seite:Briefwechsel Hildebrand Veckinchusen 146.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Tomas Veckinchusen geven hebben, dat betalt al van unser selscap gelde. Item gy wellen my propper afscryven dat vorlus van den Araschen und peper und wasse und brysylyenholtte und vele andern dyngen, dat wy al in selscap handelt hebben, dat scryvet also der selscap af und to und seyt dan, oftet myn schult sy, op dat gy nergen an twyvelen darven, so sende ic ju juwe rekenscap und breyve und al dat ic vynden kan dat ergen to deynen kan und kan ic mer vynden, dat darto deynen kan eder dar ic ju mede underwysen kan, dat wel ic ju gerne scryven und senden. Aldus hebbe ic ju nu screven der selscap rekenscap und myn propper rekenscap und wes ic van der selscap wegen inne beholde und van gy juwe rekenscap nicht maken. Hebbe ic dan mer inne dan gy eder gy mer dan ic, dat vynt syk al den dach wol.

Item ic sy ju propper schuldych van Tu^oten wegen 70 marc 4 sl., item sy ic ju van Swartten 83 marc 3½ sl., item vor 1 Ypersch laken 34½ marc Lub., summa 183 marc myn 6 ₰ Lub. Darvor slae ic ju af an mynen propperen dynge, also gy in myner propperen rekenscap wol vynden mogen 29½ ℔ gr.

Item broder ic hebbe juwe breyve und rekenscap wol overseyn und wan gy elk dync op dat syne screven hedden, so scholde dar nicht vele an wan gy myn propper dync in dey selscap nicht mengeden und der selscap dync nicht weder in myn propper dync und setten elk by syn rekenscap, so wolde wy des wol eyns werden. Ic sende juwen breyf weder, dey es recht wend an dat cruse +, dar gy my 63 ℔ 8 sl. gr. schuldych bleven. + Darnest slae gy my af 11 ℔ 17 sl. 6 gr. Steynhuse geven, darna 18 gr. ok van Steynhus wegen; desse 2 porssele komen my propper nicht to, wand ic hebbet unser selscap berekent, dar ic dat untfangen hebbe, hebbe gy dat nu weder utgeven, so sole gy dat van unser selscap gelde weder utgeven und nicht van mynen proppern gelde, dyt en komet an den 63 ℔ 8 sl. nicht af. Item dey an der rekenscap, also gy in dem sulven breyve vord scryven, dat gy untfangen und utgeven hebben, dat vyndet syk ok wol wend an dey 80 ℔ 5½ gr. + dey scryvet in dey selscap untfangen und dat brysylyenholt my in dey selscap weder sand und dat gy 500 gulden op dat was weder ut der selscap betalt hebben. Ic hebbe op dat was nicht mer untfangen dan also vorscreven es soket myn rekenscap van den brysylyenholtte, dey ic ju doe scref, dar vynde gy wol inne, wes van den brysylyen holtte ward und woe vele my noch unbrak an den wasse boven dey 500 gulden, dat nam ic af van den brysylyenholtte und scref ju dey rekenscap, darvan slecht op dey tyt.

+ Item gy scryven van eyner groten rekenscap 110 ℔ gr. 17 sl. 2½ gr., dat vynde gy in juwer rekenscap wol, dat ic der nicht schuldysch sy, dat syk dey rekenscap also nicht vynden sal.

+ Item wes gy Tomas und Boden van Stockam geven hebben, dat scryvet van unser selscap gelde betalt und rekent des nicht in myn propper rekenscap.

+ Item dey 25½ ℔ ghaf ic Syrenberge to Lu^onenborch; woe mochte gy dey dan twye betalt hebben, dat mach nicht syn, dat wet ic wol.

Item broder al desse punte, dar dey cru^ose by staen screven, wan gy

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 75. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_146.jpg&oldid=- (Version vom 31.7.2018)