Seite:Briefwechsel Hildebrand Veckinchusen 148.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

122. Hildebrand von dem Bokel (in Reval) an Hildebrand Veckinhusen in Brügge. – 1416 Juli 30.

Rev. St.-A. Orig. Pap. Adr.: An Hildebrant Vockinchusen to Brugge littera detur.

Mynen willygen denst und wes ik gudes vormach to allen tyden, wetet leve om Hildebrant Vockinchusen, dat ik juwen bref wol vornomen hebbe und de vygen und dat solt hevet myn om Johannes Enggel wol untfangen van myner wegen, dat erste dat ik dar kome, so wil ik gerne des besten ramen darby. Men ik hebbe sorge de fygen solen nicht also vel gelden willen, also gy schryven und ok is dar var ane, dat van dessen wynter to Nourwerden en vert, und liggen to Revel vel fygen unvorkoft und to Nourwerden dergelike; men syn se gut und wes dat mach darto helpen, dat se van der hant gan. Item so wetet, dat hir harde kopenschop in den lande is van allerleye gude men kan soten gein was hebben umme gude Tomassche laken, umme 24 stukke, to Revel geven se nu 6 leste soltes bosakket vor 1 stukke wasses. Item tydinge: schonewerk 19 stukke, annyge 18 1 ferd., clesem 18 und ok 17½, luswerk 15, lasten 11 ok 11½, marten 5, sobel 10, 12 ok 15, darna dat se syn, hemelen 5 gr. ferd. Anders en weyt ik ju sunderlinges nicht to schryven, men unse leve here Got und syn leve moder spare ju gesunt to langer tyt und beydet over my to allen tyden und grotet myn susteken und juwe kynder vruntliken sere und alle vrunt. Gheschreven sunte Peters avende avynkele 1416 jar.

Hildebrant van dem Bokel.

Item so dot wol leve om und schykket jo dessen bref mynen broder Hanse, dat he eme jo sulven to der hant kome, wante my leget dar macht ane, de hirby bunden is; dar bydde ik ju vruntliken umme.

123. Hans von Emden an Hildebrand Veckinhusen in Brügge. – 1416 Aug. 1.

Rev. St.-A. Orig. Adr.: An Hyldebrant Vokinkhu^osse to Beru^oghe komet desse bref. Von H. V. Hand:

Hirvan geven to vracht 4 sl. 2 gr., op to brenghen 5 gr. Dey ander tunne hadde ick to Andorpe, desse blef to Brugge to hushure 2 sl. Item gheven van der ersten tunnen to Andorpen to brenghen unde wedder to Brugge 4 sl. Darto so es my Johan van Emden dey vracht van der ersten tunnen, summa tohope van ungelde 10 sl. 7 gr.

Item so hebbe ick Johan van Emden wedder antwort sin 2 tunnen werkes int jar 1416 op den ersten dach van desember, darto so hebbe ick alle dinch slecht gerekent.

Vruntlike grot tovoren an mynen su^onderyen vrunt. Helydeberant Vokinkhu^ossen wetz, dat ik ju sende in Kleys Worm 1 tunne Unghersches werkes, dar is in 5000 unde 1 tymer; ilik 1000 dat stet 45 mark erstes koppes. Got unse here de ghevet dat et myt leve jue to der hant keme. Hir dot

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 77. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_148.jpg&oldid=- (Version vom 31.7.2018)