Seite:Briefwechsel Hildebrand Veckinchusen 150.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

kommen solde, hey heft so vele myt sinen lantgude to donde, dat hey nycht seggelen en ka^en; wente es is vele vorsaet dat solde hey gerne inlosen und hey moet syne schulde aflegen, ic hedde ene anders dar lange to ju gesand. Ramet des besten boven al, dat my dat ander so^elt werde, so mach ic tegen dat vorjare seggelen. Blivet gesund in Gode to langer tyt und gebedet over my to allen tiden und grotet alle vrund sere. Gescreven up sunte Lauwrentius avende anno 16 jaer. Revel

Hans van der Woesten.

126. Gerwin Marschede (in Danzig) an Hildebrand Veckinhusen in Brügge. – 1416 Aug. 28.

Rev. St.-A. Orig. Adr.: Dem erbaren manne Hildebrant Veckinchusen to Bru^egge detur

littera.

Vrentlike grote vorgescreven an mynen leven vrunt. Hildebrant Vockinchusen weten sole gy, dat ik ju^e sende in schipper Clawes Hou^emanne 2 stu^ecke wasses, de wegen 3½ scheppunt 2½ lyspunt myn 1 markpunt; dat scheppunt stet erstes kopes 50 mark to ungelde; op dyt was myt int schep 5 ferd. Summa myt allen ungelde van dessem wasse es 82 mark 21½ sl. Wat mer so sende ic ju^e noch in Hou^emanne 1 clene tunne, hir hebbe gi inne 17 timmer werkz in den har, al myt swarten eggen boven gemerket. Elk timmer stet 3 mark 1½ scot., noch 3 timmer sint tosamen gebu^enden, de stan 5½ mark, noch 2 timmer hermelen stan beyde 9 mark. Hirop to ungelde 6½ schot, summa hir van 66½ mark 8 scot.

Vortmer so sende ik ju^e to Lunden wart in Heine Somer 7 tunnen, dar es inne 31 sentener unde 32 punt Lebenter koper, noch 4 vate osemundes, de stan 13 mark. Anders so en wet ik ju^e nicht to scryven op desse tyt, men ik kan neine laken vorkopen noch vorbuten. Hir en es neine kopenscap. Got sy myt ju^e. Gescreven des vrydages na sunte Bartolomewes dage 1416.

Tydeman Swarte hevet in desser tunne 8½ timmer 9 marten.

Gerwin Marschede.

127. Hildebrand von dem Bokel (in Reval) an Hildebrand Veckinhusen in Brügge. – 1416 Septbr. 26.

Rev. St.-A. Orig. Adr.: An Hildebrant Veckinchusen tho Brucghe sal dusse breff. Pap. in 2 gleichlautenden Exemplaren bis auf den einzigen Unterschied, daß das in dem hier abgedruckten Exemplar hinter 50 mark stehende „ryg.“ in dem andern fehlt. Den Empfangsvermerk hat H. V. nur auf das hier abgedruckte Exemplar gesetzt. Dar. v. H. V. Hand:

1416, 9 in desember.

Meinen wilgen deinst und wes ik gudes vermach, wetet leve oem Hildebrant Veckinchusen, dat ik juwe breve wol vornomen hebbe und juwe vighen und laken wol untfangen hebbe, men ik en hebbe dar noch nicht van verkofft.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 79. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_150.jpg&oldid=- (Version vom 31.7.2018)