|
Wilhelm Stieda (Hrsg.): Briefwechsel Hildebrand Veckinchusen |
|
|
Hette wir 2 seck off 3 der beste wullen, dat duchte mych goit, hirin provet ir dat beste.
130. Reynart Noiltgin (in Köln) an Hildebrant Veckinchusen (und Werner Schere) in Brügge. – (1416) Nov. 24.
- Rev. St.-A. Orig. Adr.: An den eirberen man Hildebrant Wickinchusen to Brug littera detur.
In dorso von der Hand des H. Veckinchusen: 1416, 4 in dessember. Dyt es dey reckenschap.
Mynen dyenst und wat ich goits vermach. Wist, Hildebrant Wickinchusen und Werner Schere, dat dit is myn rechenscap van alme gode, dat ich heb verkocht, dat yn unser drygger geselscap gehoyrt, usgescheiden de 10 secke wullen, de nu zome lesten quamen, de han ich gescreven up ein nu rechenscap.
Zome eyrsten untfangen 36 stucke gras, dar is affcoemen blivendes geldes 300 unde 62 gulden min 12½ witte d. Item darnest 10 gralaken, dar is affcomen blivendes geldes 100 unde 29 gulden myn 4 witte d.
Item darnest 4 secke bonwullen, hyr is affcomen blivendes geltz 200 unde 70 gulden unde 9 witte d.
Item hernest 3 secke wullen, dar is affcomen 250 gulden unde 9 muorgen.
Item hernest 20 ℔ safferains, dar is affcomen 58 gulden unde 7 witte d.
Item hernest 2 secke wullen, dar is affcomen 137 gulden 18½ witte d.
Item hernest 5 stuck gra, dar is affcomen 48 gulden unde 1 ort.
Item hernest 12 000 unde 300 kaneinsvel, dar is affcomen 100 unde 80 gulden 6½ sl.
Item hernest 1700 scroppellinge noch 10 000, dar is affcomen 250 gulden myn 7 witte d. Item in desen scroppellingen was noch 125 geisvel, dar is affcomen 2 gulden.
Item herneyest 16 Estdinsche laken unde 4 gewerftde laken. Item hernyest 28 Monstroillese. Van desen 48 stucke is comen 563 gulden myn 1 ort.
Summa hiraff blivendes geldes 2251 gulden myn 1 witte d.
Dyt hayn ich uoch gescreven umb der kint wil mer, wil yr eynich ander bescheit wissen van eyniche stucke, dat laist mych wissen. Ich wil yt uch gern scriven unde wan disme vurgescreven gelde ys men myr noch wil schuldich. Alle dinck gescreven zo goder rechenscap up sent Katherinen avent.
Van den 10 seck wullen is komen blivendes geldes 200 gulden unde 40, unde 1 ort up noch seck aff zo slain, de sint noch uner den weveren, mer, dat en drait nyet wil. Dyt hain ich uoch darumb gescreven, off yr yt myt woilde rechenen in de eirst summen, dat yr al bescheit wisten. Oich so het myr Arnolt Wachendorp geyn fardel gelevert van Werner Scheres wegen, dat soilt yr eym sagen, want hie en is nyet to hus unde heft deym wiff nyet bewolen.
: Briefwechsel Hildebrand Veckinchusen. Leipzig: S. Hirzel, 1921, Seite 82. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_153.jpg&oldid=- (Version vom 31.7.2018)
