|
Wilhelm Stieda (Hrsg.): Briefwechsel Hildebrand Veckinchusen |
|
|
gy my gescreven hedden, wert sake, dat he geldes behovede van juwer wegen, dat he dan op my kofte ofte neme en 50 oft 60 nobelen, de wolde ik hir untrychten, hirumme so en sende ik em nein dink darhin unde est sake, dat he dat gelt hir overkopet, so wil ic et, ofte Got wil, betalen. Ik wolde gerne juwe beste, wente dat wet Got likerwis, off myn egen were, ik hebbes neine macht. Wert sake, dat et hir were als et in vortyden was, dat men mochte gan unde vorkopen 1 terlink laken unde geven 1 laken 1 ferd. myn den de lop darvan were, so wolde ik juo al ju dink to handen schicken an gelde, vorwar Hildebrant, des en es nuo nicht unde ik en dar my dar nicht op vorlaten, dat wet Got. Item so es my 1 terlink Herentalss gekomen van Lubeke, de ander es to dem Suende bevroren. Item de 50 Aress stan noch to Torne, Clawes Swarte was nu dar, he konde er nicht vorkopen. Anders so en wet ik juo nicht to scryven, men et stet hir tomale ovel in der stat unde op dem lande, alzo gi lychter bet mogen vornemen van anderen luden den ik et juo scryven kan. Got wandel ton besten. Got sy myt juo. Gescreven op sunte Luetzien dach 1416.
Item juewe om Hildebrant es wol hirgekomen unde kofte hir 1 pert, 1 sleden unde vor to Ryge wart des vrydages vor sunte Luetsyen dage.[1]
Item de tunne werkz, de ic jue to Lubeke wart sante by Tydeman Veltsteden, de stet by 420 mark. Dat werk mote gi tolaten maken unde smeren, dat es droge, ofte gi et to Lubeke vorkopen wolden. Ik hadde der tyt nicht dat ik et doen konde, do ik et des avendes krech, do moste ik des andern dages perssen unde schepen. Got sy myt jue.
135. Reynart Noiltgin in Köln an Hildebrant Veckinchusen in Brügge. – (1416) Dec. 18 (?).
- Rev. St.-A. Orig. Adr.: An den eirberen man Hildebrant Wickinchusen to Brug littera detur.
In dorso von der Hand des Empfängers: Int jar 1416 op sunte Johannesdach na kerstmysse.[2]
Mynen dyenst unde wat ich goits vermach. Wist, Hildebrant Wickinchusen, gude vrunt, dat ick unser wullen 8 seck hayn verkocht uff al van den 20 seck, mer dar en is geyn gereit aff zo kregen in geynre weis bys up den somer. Got lais uns myt lieve leven. Dys wulle en was nerental also gode und as de 10 seck wullen: dys ys gele und kurt und de ander was wiis und schoin und ouch lanck van haren. Herna wist uch zo richten unde mich duncket, dat kranck profyt is an den fardelen. Also heb ich 100 gulden, de wil ich uch dar wesselen myt den eyrsten, dat ich mach, unde wil ich uch darzo noch 1 fardel, off Gott wilt, also vro, as ich yt kregen mach. Unde schrivet my den pris van den marten unde oich van den fardelen, so wat de geldent; darna weis ich mych zo richten. Unde weer de wulle also got gewest
: Briefwechsel Hildebrand Veckinchusen. Leipzig: S. Hirzel, 1921, Seite 86. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_157.jpg&oldid=- (Version vom 31.7.2018)
