|
Wilhelm Stieda (Hrsg.): Briefwechsel Hildebrand Veckinchusen |
|
|
Safferayn van Ort gilt he wail 14 mark off 14½, de gode is, Ballengeir 12 mark off darby mer. De en is zo Collen nyet also nuotz as safferayn van Ort. Hirin provet dat beste.
139. Gerwin Marschede (in Danzig) an Hildebrant Veckinchusen in Lübeck. – 1417 Jan. 5.
- Rev. St.-A. Orig. Adr.: Dem erbaren manne Hildebrant Veckinchuosen to Lubeke off wor he es littera detur. In dorso von des Empfängers Hand: 1417, 3 in feberwario.
Vrentlike grote vorgescreven an meynen leven vrunt. Hildebrant Veckinchusen, juwen breyff hebbe ik wol vorstan, alzo dat Houeman wol overkomen es, Got sy gelovet. Ok meine gi, dat Heine Somer over sy in Engelant, dat geve Got, dar leget my macht ane. Item so en es Albrecht Ludekenssone unde Runge unde ok de derde schipper hir nicht gekomen. Wy meynen hir, dat se in Norwegen sin, Got geve unde sin leve moder, dat se myt leve komen moten, so wil ic gerne de vigen helpen vorkopen. Vortmer so es schipper Clawes von Dorpmuende to dem Suende bevroren, dar es de terlink Herentalsche inne, dar de 2 lychte blawen inne sint, den andern terlink hebbe ic wol untfangen. Der laken hebbe ic en dels vorkoft umme gelt to maken, wante van den Letselschen noch Mostrechteschen kan ik nein gelt kopen, dat et my ok grote noet dede, ik hebbe hir geweten(!) dat ik alsuelke Lentselsche hedde gehat, ik wolde er nicht 8 dage veyle hebben gehat, men nue en wel er neimant, dat maket der Alstedeschen unde der Oldenarschen unde Gentschen es hir nue vele, der en plach hir in vortyden nicht to komen. Ok so en wellen de wantsnider nuo nicht alzo gerne Kamerykesche unde brede Dornike kopen alzo tovoren, dat maken al desse vorgescrevene laken, de sint en vele bequemer de halven den de helen laken unde van Alstedeschen Oldenardeschen hebben se ere kore. Oldenarsche gelde nue op desse tyt 7½ mark, Alstedesche 8 mark nicht gerne. Aresche wellen nicht gelden boven 5 mark 16 scot. De 50 Aresche sint my wederkomen van Torne, de moet ik vorkopen umme dat se gelden wellen, wante my quam dallink ein breyff van Engelken Veckinchusen, dat he to Ryge opgenomen hevet 60 Engelsche nobelen, de sal ik in 14 dagen betalen unde de nobelen gelden 3 mark 8 scot. Vortmer so doet wol unde scryvet my wat ik doen sal by den Trechteschen, wante ik besorge my, dat ik er na provite nicht vorkopen kan unde jo se hir dan lenger stonden, jo juewe schade grotter wer; mochten se to Lubeke 5½ mark gelden, so weren se dar vele beter vorkoft den hir. Item de lude, de nue ut Lyfflande quemen, de seggen, dat et noch allensch stet myt den Ruessen, men se moten to Ploczko wol tein; ok so solden se nue op sunte Steffenschdach[1] tohope sin to dage myt dem meyster. Wo se et dan maken, des wet ik nicht. Anders so en wet ik jue nue nicht sunderlinges to scryven den Got sy myt (ju). Grotet unse vrende
- ↑ 3. August.
: Briefwechsel Hildebrand Veckinchusen. Leipzig: S. Hirzel, 1921, Seite 89. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_160.jpg&oldid=- (Version vom 31.7.2018)
