Seite:Briefwechsel Hildebrand Veckinchusen 161.jpg

	Wilhelm Stieda (Hrsg.): Briefwechsel Hildebrand Veckinchusen

vrentliken. Gebeydet over my. Gescreven op der hilligen dryer kroninge avent 1417.

Gerwin Marschede.

Item alzo gi my scryven dat men dat ℔ gr. overkopet umme 10 unde 7½ mark, se hebben et ok du^erer overkoft; men de laken willen dar nicht na gelden alzo se stan by ℔ gr. tale. Ik gelove wol de laken solen nicht ser rysen, wante de lude clagen sere dat se qua^ede marte gedaen hebben to Krakau^e, to dem Bryske, to der Nitcze, to Breslau^e, dar sint de laken fu^este stande gebleven, men doch woldet vrede bleven, so mochte et noch gu^et werden. Got gevet.

140. Reynart Noiltgin in Köln an Hildebrant Veckinchusen in Brügge. – (1417) Jan. 17.

Rev. St.-A. Orig. Adr.: An den eirberen man Hildebrant Wickinchusen to Brug littera detur. In dorso von der Hand des Empfängers: 1417, 26 in jannewario.

Mynen dyenst und wat ich godes vermach. Wist, Hildebrant Wickinchusen, gude vrunt, dat ick juwen breiff wail heb vernomen, also as yr myr schriivet, dat ich de wulle soil verkopen und oich de laken und komen to Brug. Dat wil ich gern doin und ich hain noch to verkopen 7 seck wullen und van den laken en is noch numme verkocht dan 2 stuck. Unde were de wulle al verkocht, so moicht ich gans rechenscap brengen. Wer dit anders west to rade, dat schriivet myr und sechget Werner Schere, dat ych eym han gesant 1 tessche myt Schollegin deme karbesteder, also as hie myr gescreven hadde. Nicht me zo deser ziit dan Got sy myt uch. Gescreven in Collen myt der haist up sent Thonis dach.

By myr Reynart Noiltgin.

141. Reynart Noiltgin in Köln an Hildebrant Veckinchusen in Brügge. – 1417 Jan. 23.

Rev. St.-A. Orig. Adr.: An den eirberen man Hildebrant Wickinchusen to Brug littera detur. In dorso von der Hand des Empfängers: 1417, 5 in feberwario, do untfench ich by Heynen Bonen 2 Ollemesche ferdelle. Darvan gaf ich tor vracht 5 Rynsche gulden 13 groten. Item so leyt ich wedder op dey selven karen 36 koppelle frutes. Van der koppelle sollen sey hebben to vracht 3½ marc Cols. Hirop lent 15 Rynsche gulden. Ick gaf ick to unkoste wente op dey karen 5 sl. 6 groten.

Mynen dyenst unde wat ich gotz vermach. Wist, Hildebrant Wickinchusen, gude vrunt, dat ich uch sende by Wolter Fluix gaste 2 Olmer fardel, de costent 228 gulden unde sy gehorent in unser drygger geselscap. Und de

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 90. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_161.jpg&oldid=- (Version vom 31.7.2018)