|
Wilhelm Stieda (Hrsg.): Briefwechsel Hildebrand Veckinchusen |
|
|
so wat sy geldent 14 dach na paisschen. Dat sal wail by 10 gulden schelen an deme koiff an eyme fardel, so as sy nu geldent und dan gelden solen, as men meynt, und sy geldent nuhe 2 gulden my dan 100 Ausborger, de Olmer 8 gulden und 100 und sy slaynt van dach to dage up. Darumb laist de fardel lygen und sprecht myt Clais Balken, dat wy gelt krygen in de mysse to Andorpen zo bezalen. Darup moicht gy dan wessel machen, so verkoyp wy dan des fardel und bezalen dat Andorpen. Dyt dunket mych de mynste schade syn, want ich noch nyet en weys, wat de fardel solen gelden 14 dach [na] paisschen. Hyrin provet dat beste und ich wil ywe uch me senden, off Got wilt, dat eyrste dat ich sy krygen mach. Nicht me zo deser ziit dan Got sy myt uch. Gescreven des anderen vridachs in der wasten.
Wist, Hildebrant, dat de wygen sint al verkocht und ich en heb dat gelt noch nyet al. Und ich hain wail verstanden, dat gy dat gelt gern hedden to Brug unde ich wolde, dat gy yt reyde dar hedden de ziit dunket mych nu zo kort sin, dat gelt dar zo senden und weder in de mysse zo komen, und ich hoffen oich, ich wil uns gode nutz myt doin in der mysse, off Got wilt und unse lieve wrauwe.
146. Hildebrand Veckinchusen in Brügge an Tydeman Brekelvelde in Lübeck. – 1417 März 17.
- Rev. St.-A. Zweifelhaft ob Original oder Entwurf. Adr.: An Tydeman Brekelvelden in Lubeke lyttera detur.
Unter der Adresse: Tydeman Brekelvelde hevet my rekenschap ghedan van dessen 3 terlinge wandes.
Vrentlike grote vorghescreven, Tydeman Brekelvelde, gude vrunt, ju geleyve to wetende, dat ic ju sende to Hamborch wort noch op myn propper eventur 3 terlinghe wandes, aldus ghemerket.
Dey terlinch myt den a es in schepper Hinryck van Ryppen; hir sint inne 18 Tomasche laken myt den slachdoke, also 2 satblau, dat ene is gesneden unde es ton sclachdoke, 3 grone, 1 hemelblau, 4 persche, 4 sanwyn, 4 rode.
Item dey terlinch myt den b es in schepper Heyne Gher; hir is inne 17 halb Tomasche laken, also 2 satblau 2 grone 1 hemelblau 4 persche 4 sanwyn 4 rode. Item so es to den sclachdoke ½ snede pers van sunte Tomass. Dyt sint to hope in 2 terlinghen 35½ Tomasche laken myt den sclachdoke unde ic bydde ju, dat gy also wol welt don unde vorkopet my desse 2 terlinghe laken ton mynen besten profyte umme ret gelt unde gevet sey so sey mest gelden kunen. Hirinne so ramet myn beste umme myns vordenstes willen.
Item so es de derde terlinch myt den c in scheper Petter Wyllemes; dar is inne 13 Tomasche laken, also ein satblau, 1 grone, 3 persche 4 rode 3 sanwyn unde 1 hemelblau. Unde hir is ton sclachdoke ½ pers Tomas ton sclachdoke. Desse terlinch antwort Boden van Stochem unde seget emen, dat he den terlinch neme in mynerynghe van der schult, dey wy eme schuldych syn van Karbouwen wegen. Got geve dat Peter anders vor dach moyte werden,
: Briefwechsel Hildebrand Veckinchusen. Leipzig: S. Hirzel, 1921, Seite 95. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_166.jpg&oldid=- (Version vom 31.7.2018)
