Seite:Briefwechsel Hildebrand Veckinchusen 182.jpg

	Wilhelm Stieda (Hrsg.): Briefwechsel Hildebrand Veckinchusen

Item untfanghen van Hoysten	3 ℔	18 sl.	–
Item an 3 porsselle van gelde	12 „	–	11 gr.
Item untfanghen van Tyten selschap	20 „	9 „	7 „
Item noch untfanghen ut Prusen van 2000 11 tymmer lasten	10 „	13 „	4 „
Item noch untfanghen van den Nyen Dornschen	116 „	4 „	6 „
Item untfanghen van der olden rekenschap	2 „	19 „	4 „
Item untfanghen van Colnne van den wasghelde	80 „	–	5½ „
Item untfanghen van Tyten weghen	7 „	13 „	–
Item hirop untfanghen also vorscreven es	2469 „	9 „	7½ „
Hirvan sla ick dey vorscrevenen	2331 „	8 „	6 „
aldus so blyve my dat hirover, dat ick der selschap bleve	138 „	–	13½ „
Hirvan sal myn broder hebben dan noch	79 „	–	7 „
Des so was hey my	50 „	–	–
Dey sla ick hir af, aldus so blyve ick eme hirvan dan noch	29 „	–	7 „

Item so solde boven desse rekenschap schellen 4 punte, so myn broder segget, dar ick nicht darlyken op weyt to antworden. Dat erst punt es, dat ick solde untfanghen hebben van Johannes van Mynden 264 marc, dey emen Bode van Stochem gaf. Dat ander punt es, dat my Lyseken solde berekent haben 263½ marc. Dat derde punt es dat my Lyseken solde berekent hebben 210 marc van enem naten (ter)linge. Item dat verde punte es, dat my Johannes van Mynden solde berekent hebben van enem terlinge Tomass laken 205 marc.

Item so wes dat ick nicht bewysen kan von dessen 4 porssellen, dat in unsse selschap komen es. Dat sal ick mynem broder dan half schuldych sin.

Item aldyt dont sal altos sin to guder rekenschap sonder begryp. Desser scryffte sin 2, dey ene hevet myn broder, dey ander ick. Desse rekenschap woren by uns beyden over seyn unde maket in jar 1417, 17 in junejus in Bruge.

Item hirein teghen hevet myn broder in handen, dat uns beyden hort, alse hirumme screven steyt.

Hildebrand Veckinchusen.

Int erste hevet myn broder in handen, dat uns beyden hort, dat Lyseken schuldych bleyf	166 marc	4 sl.	2 ₰ Lub.
Item so was hey schuldych dat Johannes van Mynden betalde vor mynen broder van der selschop ghelde	216 „	Lub.	– –
Summe von den 3 porsselle tohope	345 „	10 sl.	2 ₰[1]

Item so hebbe wy noch schelinge van 2 punte, dat myn seggen es, dat myn broder to Lubeke solde betalt hebben 18 ℔ dar hey betalde 27 ℔ gr.

---

1. Hier stimmt weder die Summe noch die Vorschrift von den „3 porsellen“.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 111. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_182.jpg&oldid=- (Version vom 31.7.2018)