Seite:Briefwechsel Hildebrand Veckinchusen 183.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Dey 9 ℔ solde hey betalt hebben van der Swarten ghelde, des hey nicht dan hevet, des so sal hey in unse selschap wedder breiigen 9 ℔ gr.

Item dat ander punt es dat myn broder dey ment to hebben wedder van der selschap ofte van my dey 18 marc 8 scot., dar Lysseke vor betalde 36 marc 10 sl. Lub.

Item so es myn seggent also van der halven last wasses, dey her Hinrych Scryver antwort wort, dat uns schade dat Johannes van Mynden nicht utghaf dey 210 marc to tyden. Hedden wy dat was beholden, dar hedde wol 25 marc Lub. mer van worden. Den schaden meyne ick dat den schaden myn broder allene dreghen sal.

Item so wort an den 350 Lub. vorloren dey ick op Johan den Gruter kofte. So wes daran verloren wart, dat komme op myns broder Syverdes rekenschop propper.

Item dey bate, dey uns komen solde ofte noch inkomen mochte van den 39 000 scones werkes, dey bate darvan hort my half to, komet dar noch wes to bate van.

162. Gerwin Marschede (in Danzig) an Hildebrand Veckinchusen in Brügge. – 1417 Juni 20.

Rev. St.-A. Orig. Adr.: Hildebrant Veckinchu^esen to Bru^egge littera detur.

Ohne Jahresangabe; das Jahr erhellt aus den Briefen Marschede’s vom 11., 20. u. 24. Juni 1417.

Item Hildebrant gu^ede vru^ent, wetet also ik ju^e er gescreven hebbe, so sende ik ju^e in Clawes Worme 1 tunne van 6000 werkz. Item in Tydeman Wyer in Soltru^empes tunne 23 timmer 11 timmer hermelen. Noch in Wyer 7 tunnen botteren. Kan ik ju^e mer senden, dat wel ik gerne doen. Ik hebbe hir 1 stu^ecke sulvers van 12 marken lodych. Dar wel ik ju^e mer to kopen unde senden dat myt den ersten schepen to Lubeke wart. De 3 terlink lanc van Tynen stan noch al unvorkoft, ik kan nein dink vorkopen noch ter tyt. Gescreven 3 weken na pingesten.

Gerwin Marschede.

Item Hildebrant ik hebbe nu to Lubeke wart gesant 3 weken na passchen^[1] 30 mark lodych. Noch wel ik em senden 12 mark lodych. Item ic sende ju^e noch to Flandern 1 stucke wasses van 31½ lyspunt, dat gu^et Torns was es.

163. Gerwin Marschede (in Danzig) an Hildebrand Veckinchusen in Brügge. – 1417 Juni 20.

Rev. St.-A. Orig. Adr.: An den erbaren man Hildebrant

Veckinchu^esen to Bru^egge detur littera.

Item Hildebrant, gude vru^ent, ik sende ju^e in Clawes Worme 1 tunne, dar es inne 6000 werkz, dar es 4000 unde 5 timmer off darby reyne werk,

↑ 2. Mai.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 112. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_183.jpg&oldid=- (Version vom 31.7.2018)

[1] 2. Mai.

[1]