Seite:Briefwechsel Hildebrand Veckinchusen 185.jpg

	Wilhelm Stieda (Hrsg.): Briefwechsel Hildebrand Veckinchusen

beste gedaen, dat ik konde unde noch gerne doen wel, men der lanc van Tinen kan ik nicht 1 vorkopen noch vorbu^eten. Den rys, vigen, komel en begert neimant umme gelt, ok mach men et ovel vorheven, wolde ik lanc van Tinen geven vor 20 mark. Ik solde nemande krygen, de my reyde gelt geve. Ok sole gi lychte van anderen luden den markt wol vornemen, de hir is. Anders nycht den Got sy myt ju^e. Gescreven op sunte Johannes dach 1400 int 17 jar.

Gerwin Marschede.

Item so scryve gi my umme rekenscop, ik kan ju^e noch nicht wol rekenscop scryven, men tegen den herwest so wel ik ju^e rekenscop scryven ofte op den winter, wente de vigen, rys, komel vorkoft (sint). Gi weten wol, wat gi my gesant hebben unde wes ik ju^e wedder gesant hebbe, weren de vygen, rys, komel by tyden vort gekomen, so weren se vorkoft wesen, hir en komet nicht 1 man, de et begert. De vigen sint to male quat unde de lude eten er umme des tyt jars neine vigen. Hirumme so en wel er neimant kopen, nu^e se nicht en dogen, wan et nu^e tegen de advente geyt to wynachten wart, so moet ik se by lenttelen korven vorhoken umme dat se dan gelden, wante ik en wet dar anders nicht mede to doen, dar sint vele korve mede men myt der hant mach ummeroren.

165. Gerwin Marschede (in Danzig) an Hildebrand Veckinchusen in Brügge. – 1417 Juni 26.

Rev. St.-A. Orig. Adr.: Dem erbaren manne Hildebrant Veckinchusen to Bru^egge littera detur.

Item so wetet Hildebrant, gude vrent, dat ik ju^e sende in Cleys Bru^en in Evert Soltrumpes tunne 11 tymmer hermelen; elk timmer stet 4 mark 1 frd.; noch 21 timmer gancwerkz unde 2 timmer schones werkz. Item in Tydeman Wyer 7 tunnen botter, noch in Wyer 1 stu^ecke Tornesches wasses. Item in Clawes Worme 5500 werkz, elk 1000 stet 38 mark. Got sy myt ju^e. Gescreven 2 tage na sunte Johannesdage 1400 im 17. jar.

      Gerwin Marschede.

166. Tideman Brekelvelde (in Lübeck) an Hildebrand Veckinchusen in Brügge. – 1417 Juli 4.

Rev. St.-A. Orig. Adr.: An Hildebrant Veckinchusen to Brugge littera detur.

Vruntlike grote tovorne screven. Hildebrant, juwe breve hebbe ik vuste al wol vornomen, de ik van juwer wegene entfanghen hebbe. Doch en wat gy scriven, my dunket, dat de rekenscop van deme kopper nicht vort komen en wel, des my seker grot wunder hevet. Alse gy van hir reden, do lovede gy my, dat gy my alle dink clar scriven wolden; dit en is noch nicht

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 114. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_185.jpg&oldid=- (Version vom 31.7.2018)