Seite:Briefwechsel Hildebrand Veckinchusen 191.jpg

	Wilhelm Stieda (Hrsg.): Briefwechsel Hildebrand Veckinchusen

36 ℔ gr. mede betalen sal Hinryk Heysen unde Hinryk van dem Holte. Welle gi alzo vele geldes overkopen, ik mot et ju^e wedder laten komen, ik kans nicht betalen.

De 30 ℔ gr. hebbe ik wol betalt Elhorne unde de 24 ℔ Terayx.

Item so sende ik ju^e in Albrecht van Borken 32 stu^ecke blyes, de wegen 137 sentener myn 16 punt. De sentener stet erstes kopes 11 frd. myn 1 schill. summa 374 marc 2 scot erstes kopes.

Dyt sende ik ju^e vor de 15 laken, de Tydeman Swarten unde ju^e tohoren.

Item so sende ik ju^e in Albrecht Ludekensone 1 stro darinne 7 stu^ecke wasses, de wegen 33 lyspunt 1 markpunt, dat scheppunt stet 50½ mark 4 scot. Item der Kondytschen kon ik 1 nicht vorkopen. Wedegemoser es mi noch 90 mark schuldych van den Lentselschen. Ik hebbe vele moge unde groten torn unde unmoet myt em, ik kan des geldes van em nicht gekrygen myt leive noch myt leyde. He bu^et my werk unde marten, dar kan ik nein ℔ gelt mede betalen. Hir en stet nicht to gelde to raken, des en welle gi al nicht geloven. De lange van Tinen sint tomale groff, de moet ik vorbuten, sal ik en qu^eit werden unde de moten noch al su^enderlyke koplude hebben. De wantsnider hir to lande en kopen er nicht, dar stet nein dencken op. Sente gi mi laken alzo hir int lant deinen alzo Dellermu^endesche, Busche, Gertbergesche, Alstedesche, Oldenardesche, Tornesche, halve Edinge, hele Edingesche, Mestensche, Ku^emesche, so mochte ik reyde gelt under tyden komen unde senden ju^e ju^ewe dink by tyden von handen. Got sy myt ju^e. Ik kan ju^e nicht mer scryven op desse tyt. Gescreven des vrydages na sunte Bartolomewes dage 1400 int 17 jar.

Gerwin Marschede.

173. Tideman Brekelvelde (in Lübeck) an Hildebrand Veckinchusen in Brügge. – 1417 Sept. 1.

Rev. St.-A. Orig. Adr.: An Hildebrand Veckinchusen to Brugge littera detur.

Vruntlike grote unde wes ik gudes vormach. Hildebrant, ju gheleve to wetene, dat ik juwe breve vuste al wol vornomen hebbe unde ok so hebbe ik juwe rekenscop wol vornomen. Hir hebbe ik ju min antworde al weder op ghescreven besunder allene, alse gy scriven, dat ik uns senden solde 2000 stockvisches off mer, des so wetet, Hildebrant, dat in al Lubeke nicht 100 stockvisches vele en is, dat men eneme bederve manne vor gut senden mochte. Hirume so en dorve gy ju dar nicht mede bekummeren, dat ik ju wat sende, wante ik vormode my alse de scheppe van Berghen herwardes seghelen, dat se dan ok to Vlanderen wart seghelen. Item so hebbe gy my ghescreven van wasse to kopene op en tijt to borghe, wante gy meinen na deme, dat et also sere dar affgheslaghen is, dat et na ghebore hir ok also affgheslaghen sy. Des en iz et noch nicht, doch solk was alse ik van juwer wegene vorkofft hebbe ume 19 mark, dat wolde ik nu wol ume 18 mark kopen. Van kope

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 120. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_191.jpg&oldid=- (Version vom 31.7.2018)