Seite:Briefwechsel Hildebrand Veckinchusen 195.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

Hildebrand guede vruent, jue geleve to weten, dat ik jue rekenschop scryve van deme dat ik van juewer wegen untfangen hebbe.

Int jar Christi in dem 16 jare unde 1400 des myddeweken na mytvasten[1], do untfenk ik van juewer wegen.

Int erste ut Tewes Ludekenssone unde ut Simon Potius ut elken 1 terlink; hirvor gegeven to puentgelt, palgelt 1 mark 11 scot myn 10 ₰, to bordinge optoschepen 8 scot, to kellerhuer ½ mark, summa es 9 frd. 20 ₰. Hirut vorkoft Hinryk Nyjar 50 Aressche, dat stuecke vor 6 mark 1 frd., summa 312½ mark. Item vorkoft Lodewych Bueggendale 50 Aressche, dat stuecke vor 6 mark 10½ scot, summa 322 mark ½ frd. myn. Noch vorkoft Lodewyge 24 Trechtesche dat stuecke vor 6½ mark, summa 156 mark. Dat ungelt affgerekent alzo vorscreyven steyt, so es de summa blivendes geldes hirvan 788 mark 2 scot 10 ₰.

Darnest in der veirden weken na paschen[2] untfenk ik ut Albrecht van Borken ut Johannes Peterssone ut Peter Johannessone ut elken 1 terlink van 50 Aresschen; hirvor utgegeven to palgelte puentgelt 7½ frd., optoschepen bordinge kellerhuer 1 mark myn 3 schill.; vor 1 terlink to Torne to voren unde wedder hirop to laden afftoladen to binden 11 frd. 1 schill. Summa des ungeldes 5½ mark 5½ schill. Hirvan vorbuetet 50 Aresche dat stuecke vor 5 mark 1 frd., 1 Kondysch vor 5 mark 1 frd., summa 318 mark myn 1 frd. Hiran untfenk ik to twen tyden 69 sentener 74 punt lebenter kopper. Noch vorkofft 50 Aresche, dat stuecke vor 6 mark, 1 Kondysch 1 kannepvas vor 6 mark 1 frd., summa hirvan es 306 mark 1 frd. Noch vorkoft 50 Aresche, dat stuecke vor 6 mark myn 8 scot, summa 288 mark 8 scot. Item dat ungelt avegerekent alzo vorscreven stet, so es de summa blivendes geldes van dessen dren terlingen 906 mark 3 frd. myn 6 ₰.

Darnest 6 dage na sunte Johannes dage[3] untfenk ik ut Grote Reymer 1 terlink van 16 Herentalschen, ut Meyloff 1 terlink van 12 Yperschen, ut Hinryk van der Wort, ut Hinryk Snybbe 4 terlinge van 60½ Mestenschen. Hir weren to to slachdoeken 16 Kondytsche; to puentgelde op elk ℔ gr. moste ik geven 1 scot; optoschepen to bordinge 24 schill., to kellerhuer 7 frd., summa des ungeldes tosamen 9 mark 8 scot 2 ₰. Hirut vorkoft unde vorbuetet 69½ Mestensche laken, som myn som mer, tosamen gerekent alzo se en lentelen vorkoft worden, summa in gelde es 777 mark 4 scot. Noch vorbuetet 16 Herentalssche, dat stuecke vor 24 mark, 2 Konditsche vor 10½ mark, summa hirvan es 394½ mark. Noch vorbuetet en dele vorborget 12 Ypersche, dat stucke vor 34 mark myn 1 frd., 2 Kondytsche vor 10½ mark, summa hirvan es 415½ mark. Noch vorkoft 12 Konditsche, dat stuecke vor 5 mark unde ½ frd., summa hirvan to gelde es 61½ mark. Item so rekene ik dat vorgescrevene ungelt ave van dessen 6 terlingen, aldus so es de summa hirvan blivendes geldes 1639 mark 8 scot myn 2 ₰.

Darnest 8 dage na sunte Jakoppes dage[4] untfenk ik ut Clawes Houemanne 2 terlinge van 26 Lentselschen, 2 halve Popperschen matten, hirvor gegeven

  1. ↑ 1. April.
  2. ↑ 10.–16. Mai.
  3. ↑ 30. Juni.
  4. ↑ 2. August.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 124. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_195.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_195.jpg&oldid=3224549“