Seite:Briefwechsel Hildebrand Veckinchusen 199.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

Darnest 14 dage na pingesten[1] sante ik jue to Flanderen wart in Albrecht van Borken by Hildebrant Vocken 1 stuecke suelvers, dat wouech 10 mark myn 1½ schot lodych; de mark stont 6 mark 13½ sl., summa hirvan 61 mark 21 scot myn 2 ₰.

Op desse selve tyt in schipper Rynkendorp by Hinryk Garnevelde 1 tunne, darinne 34 timmer schones werkz, dat timmer stont 3½ mark 2 scot, summa 123 mark 4 scot. Noch hirinne 22 timmer bogenwerkes, dat timmer stont 10 frd. 4 scot, summa 58 mark 16 scot. Noch 41 timmer Swetsches werkz, elk timmer stont 5 frd., ½ mark myn op den hop, summa 50 mark 3 frd. Noch 1 timmer beverwamme, stont 9 mark 8 scot; noch 14 timmer 1 tendelink bollardes, dat timmer stont 2 mark 1 scot, summa es 29 mark 2 scot, summa in al 269 mark 16 scot. Noch in dessen selven schepe 1 stro, dar was inne 6 stuecke wasses, de wouegen 15 stene myn 4 punt; de sten stont 5½ mark, summa hirvan myt allen ungelde myt int schep 82 mark 24 sl. Noch in Clawes Swarten tunne 13 timmer harwerkz, 8 timmer stonden to 9½ frd. und 5 timmer to 1½ mark 2 scot; 1 timmer schons werkz stont 4 mark; 1½ timmer schevenisse stonden 17 scot, noch 26 timmer Smollensch werkz, dat 1000 stont 63½ mark unde 5½ scot; mer 10 timmer myn 1 bate luessches werkz, dat 1000 stont 60 mark. Desse 2 tunnen stonden to juewen dele to allen ungelde myt int schep 2½ mark 3 sl. Aldues so es de summa van desser tunne myt int schep 124 mark unde 3 sl. 2 ₰.

Op desse selve tyt sante ik jue in Clawes Worme 1 tunne, dar was inne 4500 Ungersches werkz; elk 1000 stont 46 mark. Noch hirinne 28 timmer harwerkz, dat timmer stont 2 mark. De tunne stont myt allen ungelde 7 frd. 3 sl. Summa in al van desser tunne myt int schep 264 mark 19 scot 6 ₰.

Darnest des vrydages na sunte Bartolomewes dage[2] sante ik jue in Clawes Houemanne 2 stuecke Tornesches wasses, de wouegen 3½ scheppunt 2½ lyspunt myn 1 markpunt, dat scheppunt stont 50 mark, summa myt allen ungelde es hirvan 182 mark 21½ sl. Noch sante ik jue in dessen schepe in mynes broder tunne 17 timmer werkz, elk timmer stont 3 mark 1½ scot. Noch 3 timmer stonden 6 mark, noch 2 timmer hermelen, stonden 9 mark to ungelde 6½ scot. Summa beyde van wasse van werke es tosamen 249 mark 16 scot 18 ₰.

Op desse tyt sante ik jue to Luenden wart in Heyne Sommer 7 tunnen, dar was inne 31 sentener 32 punt lebenter kopper. De sentener stont 4 mark; noch 4 vate osemundes, de stonden 13 mark to ungelde myt den tunnen, puntgelt 1½ mark 1 scot. Summa beyde von kopper yseren myt int schep 139 mark 14 scot 18 ₰.

Darnest sante ik jue to Lubeke wart 14 dage vor sunte Mertine[3] by Tydeman Veltstede in Matties Sassen 1 tunne, dar was inne 7000 19 tendelink Lettouwesches werkz. Dat 1000 stont 52 mark, 2 timmer gingen hirvan binnen; noch 25 beverwammen, stonden 5 mark 1 frd; noch 1½ timmer 7 marten, dat timmer stont 26 mark, de tunne stont myt puntgelde ungelt

  1. ↑ 21. Juni.
  2. ↑ 28. August.
  3. ↑ 29. Oktober.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 128. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_199.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_199.jpg&oldid=3224553“